Master Rapper: Then and Now

CEBU, Philippines -  Hapsay pa ang unang gabii sa haya sa Master Rapper nga si Francis Magalona sa Christ The King Church sa may Green Meadows, Pasig City last March 6, 2009.

Pasado alas-onse sa gabii (11:35 PM), miabot ang funeral service car nga maoy nagdala sa lungon nga nahimutangan sa actor-TV host-rapper-singer-composer nga si Francis Magalona.

Sa usa ka chapel sa Christ The King grounds gipahigayon ang haya. Kahinumduman nga mipanaw si Francis o mas naila isip Kiko ngadto sa iyang pamilya ug mga higala, tungod sa sakit nga acute myelogenous leukemia niadtong March 6, 12:20 noon, sa edad nga 44.

Unang miabot sa haya ni Kiko si Quezon City Vice Mayor Herbert Bautista nga mihatag og instructions sa mga security guards ug mga sundawo, ilabi na sa pagbutang og cordon para sa entrance ug exit sa mga fans ni Francis.

Lakip sa mga mitekang sa unang gabii sa haya mao sila si Ms. Malou Choa-Fagar sa Eat Bulaga, Joey de Leon kauban ang asawa nga si Eileen Macapagal, ug mga anak nga sila Jako ug Jocas de Leon, Keempee de Leon, Chenee de Leon; didto pod si Ruby Rodriguez kauban ang anak nga si Toni; Tirso Cruz III kauban ang asawa nga si Lynn Ynchausti ug anak nga si Bodie Cruz; Ogie Alcasid, Michael V., Ramon Christopher, William Martinez, Cheska Inigo, Katrina Halili, Jimmy Santos, Anjo Yllana with wife Jacqui Manzano, Gloc 9, Maritess Gutierrez, Direk Quark Henares, Mitch Dulce ug Gary Valenciano with wife Angeli Pangilinan-Valenciano.

 Gikan sa GMA-7 news team didto sila si Ms. Jessica Soho, Ms. Vicki Morales ug Ms. Susan Enriquez. Girespeto nilang tulo ang pagpakahilom una sa Magalona Family.

Mihatag og blow-by-blow live coverage si Pia Guanio sa 24 Oras nga nanukad sa La Funeraria Paz, diin gideretso ang lawas ni Kiko, gikan sa Medical City.