Raymond napagkamalang si Richard sa HK

MANILA, Philippines - Seen : Ang denial ni Annabelle Rama na galit siya kay Marvin Agustin kaya inalis niya si JC de Vera sa cast ng Obra. Ayaw lamang ni Annabelle na magmukhang loveteam sina Marvin at JC dahil nagkasama na ang dalawa sa Babangon Ako’t Dudurugin Kita at Lalola.

Scene : Ang mahabang pila sa ABS-CBN studio ng mga gustong sumali sa Pinoy Big Brother at Pinoy Dream Academy. Lumikha ng traffic ang mahabang pila ng mga nangangarap na maging celebrity.

Seen : Ang reklamo ng mga na-reject sa audition ng PBB at PDA na pina­paboran ang mga nag-audition na good-looking at may mga bitbit na manager.

Scene : Dinagdagan ng mga sinehan ang You Changed My Life para ma-accommodate ang mga gustong manood ng blockbuster movie nina Sarah Geronimo at John Lloyd Cruz.

Seen : Ang pagtanggi ni Richard Gutierrez na nakita sila ni Jewel Mische na nagbakasyon sa Hong Kong. Ang kanyang twin brother na si Raymond ang nagbakasyon sa Hong Kong. Hindi si Richard.

Scene : Kulang pa ang acting ni Aljur sa mga mabibigat at madadrama na eksena sa trailer ng Dapat Ka Bang Mahalin. Pagod ang itsura niya sa publicity pictures ng Sine Novela nila ni Kris Bernal.

 Scene : Inaayawan si Hero Angeles ng mga reporter na madalas na nag-iinterbyu sa kanya ngunit hindi niya kilala kapag muli silang nagkikita.

Mahihirapan si Hero na ibalik ang ningning ng kanyang malamlam na bituin dahil sa kanyang poor PR.