SACRAMENTO, Calif. (AP) – Ang katauhan ni California Governor Arnold Schwarzenegger ang kanyang gagampanang papel sa isang pelikulang pagbibidahan din ni Sylvester Stallone na gagawin sa taong ito.
Ito ang nabatid kahapon sa publicist ni Stallone na si Sheryl Main kaugnay ng isa sa bihira nang paglabas ni Schwarzenegger sa pelikula.
Sinabi ni Schwarzenegger na tatlong beses pa lang siyang lumabas sa pelikula mula nang mahalal siyang gobernador noong 2003 at ginawa niya ito para sa mga kaibigan.
Sisimulan sa Marso 28 ang shooting ng pelikulang The Expendables na gagawin sa Brazil at New Orleans.
Sinabi ni Main na ang shooting sa mga eksena ni Schwarzenegger ay gagawin sa Los Angeles.
Hindi maiiba kay Schwarzenegger ang magiging role niya sa pelikula ni Stallone dahil isa siyang gobernador ng California rito.