Hayan mabanhaw na pod ang away tali ni Joey de Leon ug Willie Revillame. Kini tungod kay napugos og luwat og pamahayag si Joey kagahapon—atol sa presscon para sa bag-o niining show nga Joey’s Quirky World—kabahin sa phone-patch kang Willie niining bag-o lang nga nagkanayon nga bisan naa siya sa St. Lukes mitan-aw kini og Eat Bulaga, ug niya pa mas nindot gihapon ang Wowowee.
“Sa totoo lang, napanood din namin ito sa Eat Bulaga! set. May monitor din kami ng kalabang show. Ganoon naman talaga, e, pag magkatapat na parehong show, nagmu-monitor sa kalaban,” butyag pa ni Joey ngadto sa PEP.
Gani giingnan na siya ni Malou Choa-Fagar, ang executive producer sa Eat Bulaga nga dili na lang tagdon ang pamahayag ni Willie.
Ug mihirit si Joey sa pag-ingon,” “Basta ang nasabi ko na lang, may sakit na nga, walanghiya pa rin!”.
Taud-taud na nga balita nga nagkauli sa maayong kabubut-on ang duha ug tungod niini hayan magbinatoay na pod sila og mga masakit nga pulong.
“Kailangan din kasi ng show niya, e, para mapag-usapan ulit. Hindi naman mawawala sa competition ‘yan,” dugang pa ni Joey. (Sanden J. Anadia)