Inaakalang sumisipsip sa mga bossing ng isang network ang isang actor kaya maraming shows at talagang never pang nabakante mula nang lumipat ng istasyon. Napapansin na siya ng ibang talents ng network, lalo na ‘yung walang show, wala lang magkalakas ng loob na magreklamo dahil either pagbintangan silang naiinggit o sourgraping.
Hindi namin sasabihin kung ilan ang shows ngayon ng actor para hindi n’yo agad mahulaan kung sino ang aming tinutukoy. Ang panlaban lang ng actor sa mga nagrereklamo sa kanya’y magaling siyang artista at nagre-rate ang mga show niya. Pero, totoong sobra na ang exposure niya at Monday to Sunday na siyang napapanood.
* * *
Bago pa dumami ang magalit sa kanyang fans ni Hero Angeles sa mala-dedma niyang sagot sa inamin ng actor na crush siya nito, nilinaw ni Nadine Samonte kung bakit may katarayan na “hindi ko siya kilala” ang reaction.
Sabi nito: “Flattered ako na crush niya ako, pero honestly, hindi ko siya masyadong kilala kaya wala akong ma-i-comment. Thank you na rin sa sinabi niyang magaling ako na puwede akong pang-daytime at pang-primetime at kaya kong maging bida-kontrabida. Sana magkaroon kami ng chance to work together para magkakilala kami ng husto.”
Ayan, hindi na siguro magtatampo ang fans ni Hero kay Nadine dahil hindi pa sila formally introduced at sabi nga ni Hero, sa shoot ng GMA plug lang sila nagkita. Mainis kaya ang actor sa dagdag pahayag ni Nadine na mas kilala niya si Sandara Park?
Hindi pa alam ni Nadine kung ano ang next project niya after Gagambino at siya’y naghihintay lang sa ibibigay sa kanya. Pabor siya sa ginawa ng writers ng series na patayin ang character niyang si Celine pati si Harold (Polo Ravales) para pagbayaran ang mga ginawang kasamaan.
* * *
Si Jonalyn Viray ang pinakabata sa La Diva, pero siya ang may lovelife at pinaka-daring manamit at walang takot magpakita ng cleavage. Talo niya sina Aicelle Santos at Maricris Garcia dahil sa walang boyfriend na nagbigay ng regalo noong Valentine’s Day.
Magkakasundo ang tatlo, palibhasa’y laging magkasama sa rehearsal for SOP, sa mga show at pati sa gimik. Minsan, kasama nila ang members ng You Got Male, pero walang malisya ang pagsasama nila dahil ‘di nila type sina Jan Nieto, Bryan Termulo, Harry Santos at Gian Magdangal dahil alam nilang hindi rin sila type ng mga ito.
Nakatakdang gumawa ng album ang La Diva at may show din sila sa Virgil Auditorium sa Los Angeles sometimes in April sa request ng subscribers ng GMA Pinoy TV.
* * *
Sa Ang Babaeng Hinugot Sa Aking Tadyang, prime suspect si Proserfina (Marian Rivera) sa pagkamatay ni Enrico, sinasabing bago niyang boyfriend at wanted siya sa mga pulis. Maging dahilan na kaya ito para tuluyang layuan ni Homer (Dingdong Dantes) ang dalaga?
Samantala, guests uli sina Dingdong at Marian sa SOP sa Sunday at wish ng kanilang fans na magbihis na ng maayos ang dalawa. Disappointed sila last Sunday sa bihis ng magka-love team na parang nag-malling lang, sana raw sa Sunday at sa five Sundays pang susunod ay ‘di ayos artista ang dalawa.