MANILA, Philippines - Naglabas ang Sony Music ang mga aktibidad na magtatampok sa nakakapagpaindak at seksing single ni Beyonce na Single Ladies.
Abangan ang grupong Sexbomb sa mga GMA show para sa pagpapamalas nila ng mga sayaw na katulad ng napapanood sa hot music video ni Beyonce.
Alamin din ang mga bagong dance talent na lilitaw sa Single Ladies Pasiklaban Dance Contest na sisimulan sa SIS sa Pebrero 16. Magtatanghal din ang Sexbomb sa mga sangay ng Robinsons sa Metro East (Pebrero 15), Starmalls (Pebrero 21), Imus (Marso 7), Manila (Marso 8), Lipa (Marso 14), at Nova Market (Marso 15).
Kasama rin ang Single Ladies (Put a Ring on it) sa bagong album ni Beyonce na I Am…Sasha Fierce na nagtatampok din sa isa pang hit single na If I Were A Boy.