Ai-Ai di magpabentaha ni Sarah

Tungod sa kakusog sa “Ang Tanging Ina N’yong Lahat ug “A Very Special Love” sa miaging tuig, karon pa lang giingon na nga magtigi sila si Sarah Geronimo ug Ai-Ai delas Alas isip Box Office Queen.

Atol sa presscon sa “Ai Lab U” concert ni Ai-Ai nga ipahigayon karong Pebrero 13 sa iyang Ai Sarap Resto Bar, gipangutana kini sa mga tigbalita kung kinsa ang angayan nga modaog sa titulo tali nilang duha ni Sarah.

“Ewan ko, sino ba dapat? Kayo na ang sumagot. Pero siyempre, napakaplastik ko naman kung sasabihin kong gusto kong ibigay sa kanya ‘yun. Syempre, gusto kong ibigay sa sarili ko,” tubag niya samtang nagkatawa.

Dugang niya nga mas dako og kita ang iyang pelikula mao nga mas angay lamang nga ihatag kung unsa ang alang kaniya bisan matud pa sama og anak ra niya si Sarah, binuang apan seryoso nga pamahayag ni Ai-Ai.

Mahinumdoman nga nalangkat na niya kini niadto apan matud pa sa mga tawo nga tsamba ra kadto ug karon nanghinaot si Ai-Ai nga mao na kini ang ikaduhang higayon nga matawag siyang Box Office Queen.

Mahimamat si Sarah pwede na mamatay…

Dili lang taga ABS-CBN ang na-crush kang Sarah sanglit type pod diay siya ni Bryan Termulo, miyembro sa You’ve Got Male sa SOP nga kanhi contender sa Pinoy Pop Superstar Year 3.

Matud pa ni Bryan nga mahimamat lang niya si Sarah, mahimo na siyang mamatay. Wala matud pa niya makaila og personal ang Pop Princess apan gikan niadtong nakadaog kini sa Star for A Night, na-crush ug giidolo na kini niya. Halos tanang album sa dalaga anaa siya.

Kung hatagan og higayon gusto niyang mapangulitawhan si Sarah ug i-work-out niya nga magkaila sila. Crush pod matud pa ni Bryan sa GMA 7 si Jennylyn Mercado.

Carmen Soriano di magbinastos

Mahimong binuangan o magbinuang sa live concert si Carmen Soriano apan dili siya ganahan kung mahitungod sa kaugalingon ang maong joke.

“I feel that being a female entertainer, I have the duty to uphold the dignity of Filipina women, specially on the live stage,” butyag ni Carmen ngadto sa PangMasa. “It is not proper na pumayag akong bastusin sa harap ng maraming tao.”

Matud pa usa sa dili niya mabuhat during concerts ang “magmura” sanglit dili kini haom sa iyang personalidad.

Sukad nga mibalik siya sa pagkanta, sunud-sunod na ang iyang mga live shows sa mga five star hotels ug sa mga major venues.