Jennylyn mihangop kang Mark kay dili na manglumpong og babaye

Giklaro ni Jennylyn Mercado nga mura ra og segunda’ng amahan sa iyang anak nga si Alex Jazz si Mark Herras hinungdan nga wala siya’y planong maka-date ang young aktor karong Valentine’s Day sa dihang gipangutana kini sa Pang Masa kong kinsa ang iyang kauban sa maong espesyal nga adlaw. 

Matud pa sa aktres nga law-ay tan-awon kong mag-uban sila si Mark sa adlaw sa gugma sanglit ninong man kini sa iyang anak. Mas gusto niya nga maka-uban ang iyang pamilya ilabi na ang iyang anak sa maong panahon. 

Dungag pa nga wala siya’y oras para makigka-date og mga lalaki karong Valentines sanglit lahi man ang iyang giprayoridad karon.

“Hindi naman sa ayaw ko na pero mas marami akong importanteng hinaharap ngayon. Nandiyan ang baby ko tapos ang mga kaso pa na kailangan kong harapin. Kulang ang oras ko talaga,” matud pa ni Jen nga first time loveless sa V-day.

Suma pa nga bisan og pareho sila nga loveless karon ni Mark, sigurado ang dalaga nga anaa gyu’y ka-date ang young actor. Apan iyang giklaro nga nalipay siya sanglit dako na og kausaban ang aktor sanglit dili naman niini lumpongon ang mga babae nga iyang I-date, ug aduna nay tagsa-tagsa ka schedule matud pa ni Jen.

Daku usab ang pasalamat ni Jen sa mainitong pagdawat kanila sa ilang mga fans sa ilang bag-ong proyekto nga giuluhan og “Paano Ba Ang Mangarap”, nga sukad pa sa una misuporta sa team up nila ni Mark.

“Nandoon pa rin ang chemistry namin as a loveteam at nagpapasalamat kami na hindi sila nagsasawang suportahan kami,” say pa ni Jennylyn Mercado. (Darling Chyrmyth C. Wagas)