Photos ni Kris retokada?

Na-intriga karon ang mga himantayon kung tinuod ba gyud nga niwang na gyud si Kris Aquino ug wala giretoki ang mga hulagway niini nga milugwa sa usa ka fan magazine cover ang nahisgutang multi-media star. Suma pa nga pwerte’ng lahi-a sa dagway ni Kris sanglit daot man kini tan-awon itandi sa telebisyon.

Real Score Ni Marian Ug Dingdong

Mas daghan gyud ang na-intriga karon kun uyab na ba gyud sila si Marian Rivera ug Dingdong Dantes. Kini tungod matud pa ni Manay Lolit Solis bisan asa siya muadto kini gyud maoy unang ipangutana niya. Una nang namahayag si Manay Lolit nga kung dili pa manag-uyab ang duruha, dili sa ngabil ni Marian mohawok si Dingdong sa ilang paglugwa sa Startalk niadtong Sabado.

Gary Fan Nila Ni Yeng Ug Charice

Nahangangha si Gary Valenciano sa ngilngig nga singing talent nila ni Yeng Constantino ug Charice Pempengco hinungdan nga kanunay siya nga makahunong sa iyang mga buluhaton sa ASAP kong ang duruha na ang mukanta. Tungod niini, himuon na usab niya kining mga guests sa umaabot niya nga concert karong Pebrero 20 nga mahitabo sa Araneta Coliseum.  

Life Story Ni Villar Himuog Komiks

Gihunahuna pa ni Senator Manny Villar kung musanong ba siya sa tambag nga himoan og pelikula ang istorya sa iyang kinabuhi. Daghan ang nag-agni ni Villar kalabot niini, pero matud pa sa beteranang kolumnista sa PangMasa manay Lolit Solis mas pabor ang senador nga ipatik nalang ang iyang life story kini sa usa ka komiks.

Dolphy Suportado Sa Senado

Gipangusgan karon sa Senado ang paghatag sa Comedy King nga si Dolphy og pasidungog isip National Artist pinangulohan ni Sen. Villar. Matud pa sa senador nga talagsaun gayud ang natabang ug nahatag ni Dolphy sa industriya sa showbiz ug angayan lang nga hatagan kini sa maong titulo.