Isa nang certified Kapamilya ang multi-awarded acoustic group na Make Your Momma Proud o M.Y.M.P. matapos silang pumirma ng kontrata sa isa sa mga recording giants ng industriya, ang Star Records. Matapos ang limang-taong kontrata nina Chin Alcantara at Juris Fernandez sa Ivory Records, opisyal na silang artists ng Star Records. Kasama ang M.Y.M.P. sa Sessionistas segment ng ASAP’09 kasama sila Aiza Seguerra, Nina, Richard Poon, Sitti at Duncan tuwing Linggo.