Wala na gyud na-deny pa ni Carlene Aguilar ang mga hungihong nga duna nay anak sa pagka-ulitawo ang iyang uyab karon nga si Yo Ocampo sa dihang gipangutana kini atol sa presscon sa “Ang Babaeng Hinugot sa Aking Tadyang”.
Migawas sa pipila ka mga tabloids ang maong isyu nga matud pa adunay seven-year old son ang non-showbiz boyfriend sa beauty queen nga wala usab gilimod sa dalaga ug nagkanayon nga dili pa andam si Yo nga mamahimong amahan niadto. Iya usab giklaro nga nahibawo na siya sukad sa pagsugod sa ilang relasyon nga aduna na kini anak sa pagka-ulitawo.
Melissa Ricks mas feel ang Bb. Pilipinas kaysa sa Miss Earth
Gustong musalmot ni Melissa Ricks sa Bb. Pilipinas kaysa Miss Earth sa dihang gipangutana kini kong aduna ba siyay plano nga muapil og mga indigay ug kong asa siya ganahan muapil.
Matud pa sa 5’7 nga single ug glowing kaayo nga si Melissa nga mas ganahan siya muapil sa Bb. Pilipinas sanglit daghan man kini og choices. Iya usab gibutyag nga wala siyay plano mo-pose sa mga men’s magazine ug mas ganahan siya nga i-representar ang Pilipinas sa mga indigay.