Tungod kay Chinese New Year ma kagahapon, gipalugwa ni Madam Suzette Arandela, psychic ug feng shui consultant ang iyang panagna sa showbiz, ug gipatik sa PEP.
Matud pa niya nga ang hinungdan sa Jolina Magdangal ug Bebong Muñoz break-up mao nga napul-an na sila sa taas-taas nga relasyon isip manag-uyab. Wala nay chance nga mag-uli ang duha sanglit magmalipayon na si Bebong sa iyang newfound love ug si Jolina pod mo-settle sa usa ka non-showbiz guy.
Ang relasyon nila ni Paolo Contis ug EB Babe Lian Paz dili magdugay matud pa ni Madam Suzette.
Ang mosunod mao ang kapalaran nga nakita ni Madam Suzette sa mga artista sa tuig sa baka:
REGINE VELASQUEZ-OGIE ALCASID. Magkadayon ang duha. Parehong matured ug kahibawo na sa weaknesses ug strength sa usag-usa. Nakit-an pod sa psychic nga nasabtan ni Regine si Ogie ug mao pod kini kang Regine.
JUDY ANN SANTOS-RYAN AGONCILLO. Nakit-an niya nga kasal na ang duha. Secretly married ug looking forward nga magpakasal bisan simple wedding lang. Mabuntis si Judy Ann karong tuiga ug posible nga mabdos na gyud.
DINGDONG DANTES-MARIAN RIVERA. Aduna nay relasyon ang duha matud pa apan dili kini molungtad og dugay sama sa relasyon nila ni Dingdong ug Karylle niadto kung dili mag-usab si Marian sa iyang attitude…
RICHARD GUTIERREZ-KC CONCEPCION. Maayo ang pagsugod sa relasyon apan wala magpasabot nga uyab na ang duha. Wala niya makita nga magkadayon ang duha apan isip love team, magmalampuson ang duha ug mo-hit ang mga pelikulang pagaubanan nila.
ANGEL LOCSIN-LUIS MANZANO. Makita nga tinuod nga nagkahigugmaay ang duha ug dili gusto nga magkabuwag sila. Si Angel ang matang nga serious ug mahimong sa umaabot kung dili mausab sila ang magkadayon.
ANNE CURTIS-SAM MILBY. Dili mag-uli ang duha. Wala pa sa pagkakaron ug sa umaabot. Open gihapon sa usag-usa ug aduna gihapoy gugma. Naa lay wala masabutan. Kinahanglan lang og give and take ug adjustments aron naa silay bonding
KIM CHIU-GERALD ANDERSON. Sila na gyud ug na-develop na sa usag-usa. Adunay mga pelikulang himuon apan up and down ang relasyon
JENNYLYN MERCADO-PATRICK GARCIA. Sa pagkakaron wala pay nakit-ang possibility nga magkauli ang duha tungod kay nasakitan og maayo si Jennylyn sa panghitabo ug dili pa siya andam for reconciliation
JOHN PRATS-SHAINA MAGDAYAO. Tan-aw ni Madam sila na. Parehong in-love sa usag-usa apan dili pa andam nga ipakita sa mga tawo nga sila na gyud. Parehong gi-prioritize ang career sanglit bata pa si Shaina ug dili kini gustong maguba ang career tungod sa relasyon nila ni John
PIOLO PASCUAL. Successful gihapon karong tuiga. Mo-hit ang pelikula nila ni Angel, ma-busy gihapon ug naa gihapon sa itaas. Wala pay planong magminyo sanglit focus kini sa career
SARAH GERONIMO. Mas mosikat karong tuiga. Naa gihapon sa taas ug daghang pelikulang buhaton nga mopatok sa takilya bisan kinsa pa ang ma-partner niini.
JOHN LLOYD CRUZ. “Bankable gihapon. Magdala og daghang kwarta sa ABS-CBN. Mag-usab-usab ang lovelife ug nakit-an nga naay bag-ong babaye sa kinabuhi.
JERICHO ROSALES. “Posibleng makaaward... Medyo mohinay ang career niya sa dili pa mahuman ang tuig sanglit mas focus kini sa shows sa laing nasud.
BEA ALONZO. “Masapawan ni Sarah Geronimo kung dili magmatngon. Posibleng mawala sa limelight, posibleng mabuntis o adunay iskandalo.”