Positibong gidawat ni Judy Ann Santos ang kapakyasan sa Ploning sa Oscar Foreign Film category. Kasamtangang misalmot sila si Juday ug Dante Nico Garcia sa Palm Spring Film Festival 2009 sa California diin dunay special screening ang Ploning. “ Nagyakapan lang silang dalawa,” hulagway pa sa tinubdan sa ABS-CBN.com sa reaksyon ni Juday human masayod nga wala masulod ang Ploning sa Oscar.
Dina dunay “lump” dili “breast cancer”
Gihimakak ni Dina Bonnivie ang migawas nga tsika nga duna siyay breast cancer. Suma pa niya dili kini tinuod ug kun ugaling duna man siya niining maong balatian siya mismo maoy mopahibawo niini sa publiko. “ Benign lump” niya pa ang napalgan sa iyang likod, ug nagduda siya nga ang doctor nga nag-examine niini maoy nagpataka og panabi.
Miriam interesado sa Wowowee
Napupos na diay ang kontrata ni Miriam Quiambao sa News and Current Affairs sa GMA-7, gani nananghid na siya nga musuway napod og acting tungod kay dugay-dugay na pod siya nga nag-hosting. Pwes, interesado si Miriam nga mahimong host sa Wowowee kun ugaling dunay pormal nga tanyag kay niya pa perteng sikata sa show ni Willie Revillame worldwide ug buot niya kining masinati.