Gibarugan sa ABS-CBN ang una nilang pamahayag nga “35 minutes” ra nga gi-interview ni Dyan Castillejo si Manny Pacquiao sukwahi sa pahayag sa GMA-7 nga tulo ka oras. Suma pa sa Kapamilya network, pasensyosa nga nagpaabot si Dyan og duha ka oras una pa nila nahinabi si Pacman, diin migawas ang istorya sa Correspondents sa milabay nga semana.
Sam ug Anne di tinuod nagbalik
Gihimakak ni Sam Milby ang tabi-tabi nga nagbalik na sila ni Anne Curtis. Suma pa niya walay nahitabo nga panagbalik, pero maayo na lang gyud ang ilang relasyon karon ni Anne isip managhigala.
Luis miangkon na
Giangkon na ni Luis Manzano nga duna silay “pinagdaanan” ni Angel Locsin hinungdan nga mihilak ang aktres paglugwa niini sa ASAP ’09 niadtong January 11. Pero niya pa nasulbad na ang maong problema ug mas milig-on ang ilang relasyon tungod sa nahitabo. (Ryan Mark)
Rufa Mae magseryoso na sa gugma
Nakarelate si Rufa Mae Quinto sa iyang pelikula nga “Status: Single” sanglit halos pareho ang estorya niini sa sitwasyon niya sa tinuod nga kinabuhi nga matud pa istorya sa usa ka 32 anyos nga dalaga nga adunay gigukod nga biological clock hinungdan nga desperada na kining makapag og partner sa kinabuhi. Pero giklaro niya nga dili siya desperada nga makabaton og partner, nakasabot hinuon siya nga panahon na aron mag-seryoso siya sa iyang kinabuhi.
Mark inlove pa ni Sarah
Giangkon ni Mark Bautista nga bisan og wala siya mahinayon og panguyab ni Sarah Geronimo sa milabay nga tuig, nagpabilin lang gihapon ang iyang feelings ngadto sa dalaga. “Hindi naman nawawala ‘yun nang ganun-ganun na lang and yung relationship naman namin ni Sarah as friends, mas matibay siguro dahil na rin sa matagal naming pagsasama and siguro, talaga lang hindi pa ngayon ‘yung right time na kailangan nang magka-boyfriend ni Sarah
Marvin imposibling makigbalik ni Jolens
Sa iya ra diay’ng handler nakahibawo si Marvin Agustin nga nagbuwag sila si Jolina Magdangal ug Bebong Munoz. Pero giklaro karon ni Marvin nga imposibli na nga magkabalik pa sila ni Jolens tungod kay lain-lain na sila og prayoridad.
Kempee mingawon ni Sheena
Giangkon ni Kempee ang tsika nga na-crush siya ni Sheena Halili. Suma pa niya type niya si Sheena tungod kay chinita-looking ug pareho pa silang Capricorn. Sweet pod kini ngadto ni bisan kinsa hinungdan nga ma-miss niya kini tungod kay mahuman na ang ilang taping sa Lalola karong Huwebes.