Milupad kagahapon paingon sa Washington sa Amerika si Charice Pempengco alang sa iyang partisipasyon sa pre-inauguration ni US President elect Barack Obama karong Domingo, January 18. “God Bless America ug One Moment In Time” ang kantahon ni Charice sa maong event. Dili pa lang sigurado si Charice kung sa mismong Inauguration mokanta ba siya.
Bag-ong shows sa GMA-7
Gipaila na sa GMA-7 ang ilang umaabot nga mga salida nga mulugwa sa first quarter niining buwana. Kini mao ang My Dad Is Better Than Your Dad nga puli sa Family Feud Celebrity Edition matag Dominggo, diin si Paolo Contis ang host ug magsugod karong February 8. Musunod ang “ Ang Babaing Hinugot Sa Aking Tadyang” nila ni Marian Rivera ug Dingdong Dantes karong February 9, hulip sa La Lola. Sa February 16, isalida na ang “Paano Ba Ang Mangarap?” nila ni Mark Herras ug Jennylyn Mercado. Ug sa February 20, musugod ang “Totoy Bato” nila ni Robin Padilla ug Regine Velasquez, hulip sa Gagambino.
Mike dili mobalhin sa ABS-CBN
Hugtanong gihimakak ni Mike Tan ang mga tsismis nga mobalhin na siya sa ABS-CBN diin matud pa apil siya sa umaabot nga project nila ni Maricel Soriano ug Cesar Montano, ug matud pa naa siya sa wish list alang sa pagahimuon nga Pinoy adaptation sa Meteor Garden. Matud ni Mike wala siyay offer or feelers man lang nadawat, ug magpaabot na lang siya kanus-a siya hatagan og bag-ong project sa GMA-7. Ryan Mark