Ang Gaisano Main ug Gaisano Country Mall misaulog sa labing dakong kapyestahan sa Sugbo pinaagi sa 11 ka adlaw nga dakong baratilyo sugod Enero 8 hangtod 18.
Ang Sinulog Sale mihatag og kahigayonan sa mga mamamalit nga makadaginot hangtod 50% sa tanang palaliton. Dili lang kay makadaginot kun dili may kahigayonan pa gayod sila sa pagdaug og Mazda3, home appliances ug linibo nga mga gift certificates alang sa “A Million Thanks” raffle promo.
Gawas ning maong baratilyo, naatol usab ang ika-duhang pagbola sa “A Million Thanks” raffle promo karong Enero 17 adlaw nga Sabado uban sa Roco twins nga sila si Dominic ug Felix sa GMA-7’s “Daisy Siete”. Sila maoy molingaw sa mga shoppers diin mopahigayon sila og kalingawan diha sa Gaisano Main Foodsquare alas-6 sa gabii dayon sa Gaisano Country Mall alas-8:30 sa gabii.
Agi og dugang sa kasadya, ang Gaisano Country Mall inabagan sa ALA Boxing Gym mopahigayon og libreng Boxing at the Mall. Makita atol sa maong paugnat sa kusog ang mga inilang boxers dinhi sa nasud. Ipahigayon kini karong Enero 18 alas 6 sa gabii diha sa parking lot sa Gaisano Country Mall.l