May search ang GMA 7 nang magiging leading lady ni Richard Gutierrez sa Zorro, his next big TV series. Ibig sabihin, mali ang balitang si Rhian Ramos na ang napiling ipareha sa kanya dahil bakit maghahanap ang network kung may napili na sila.
Ang interesadong mag-audition sa role ni Elena ay magpunta sa GMA Network this Friday, 1:00 pm onwards at malay ninyo, kayo ang suwertihing mapili.
Si Iza Calzado sana ang gusto ni Annabelle Rama na makapareha ni Richard dahil bukod sa maganda, magaling pang actress, at may chemistry sila ng actor. Gusto rin ng actress na maka-trabaho ang actor, ang problema’y gagawin ni Iza ang Pinoy adaptation ng All About Eve at magkakasabay pa yata ang airing nito at ng Zorro sa March, kaya out na siya.
Samantala, balik-Manila ngayong araw sina Richard at KC Concepcion mula sa shooting ng When I Met U sa Coron, Palawan. Pero, hindi pa rin sila makakapag-pahinga’t tuluy-tuloy ang shooting nila hanggang sa last day shooting sa January 24.
Sa Sunday, pupunta pa sila sa Cebu para sa Sinulog at pagbalik, todo na ang promo sa shows ng ABS-CBN, GMA 7 at Q-11.
* * *
Regular na uling mapapanood sa telebisyon si Maja Salvador dahil kasama siya sa cast ng bagong soap ng ABS-CBN na Marcelino. Kapareha niya si Rayver Cruz, pero ang pinakabida sa series ay ang child actor na si Zaijan Jaramilla na unang napanood sa Tiny Tony.
Sa February na ang pilot ng soap na ididirehe nina Jerome Pobocan at Jojo Saguin.
Ang loveteam naman nila ni Rayver ang susubukan at kung klik silang dancing partner, siguro naman tatanggapin din sila sa drama.
* * *
Ibinabalik ng Viva Concerts and Events ang MYMP, Freestyle at Side A sa isang post-Valentine concert billed Love 2 Love 2 Love at inaasahang kasing-successful ito ng Back 2 Back 2 Back na unang ginawa noong December 1, 2008. Sa Araneta Coliseum pa rin gagawin ang concert sa February 15, 8 p.m.
Bilang pasasalamat sa mga fans na pumuno sa Big Dome the first time, babaguhin ng MYMP ang kanilang repertoire. May papalitan silang kanta at may panggulat silang number na ayaw sabihin nina Juris Fernandez at Chin Alcantara para sorpresa.
Dahil sa concert, naurong na naman ang plano ng Freestyle couple na sina Jinky Vidal at Tats Suzara na magka-baby this year. After the concert dito, may US Tour ito at dalawang albums ang ire-record ng banda, isang live at studio album.
Mabibili ang tiket sa lahat ng SM Ticketnet outlets, Araneta Coliseum box office or call 911-5555 or 6876181 loc. 620 and 745.
o0o
Sa Luna Mystika, masasaksihan ni Andoy (Luis Alandy) ang transformation ni Celestina (Heart Evangelista) sa pagiging anino at alam na niya ang lihim ng kambal. Kukuha ulit ng prutas ng Limer ang dalaga, pero ‘di niya mahahawakan.
(NITZ MIRALLES)