Wala gihimakak ni Richard Poon ang iyang admiration sa pop princess nga si Sarah Geronimo. Matud pa sa singer nga dako ang iyang bilib ug gusto kang Sarah sanglit buotan kini ug usa ka masunuron nga anak.
Dungag pa niya nga bisan og dili sila suod kaayo ni Sarah, wala siya masayod kong nganung dako ang iyang gusto niini. “Although hindi kami close, I like her personality, hindi ko alam kung bakit. She shows humility, masunurin sa nanay, even though big star na siya, she knows how to follow the mom or yung mas mataas”, padayag ni Richard ngadto sa PangMasa.
Suma pa nga kong “off-stage” ang dalaga, soft spoken kaayo kini, apan kong anaa na kini sa entablado, daw napuno kini og ambisyon ug pasyon sa kinabuhi. Usa usab sa nagustuhan ni Richard sa pop princess mao ang padayun niini nga pagkat-on sa mga bag-ong estilo sa natad sa musika bisan pa sa nakab-ot na niini nga kalampusan isip mang-aawit.
Tungod ni Lian, Paolo nawad-an og project
Nasayran sa PangMasa nga si Paolo Contis ang first choice isip bag-ong leading man ni Rochelle Pangilinan sa latest season sa Daisy Siete, nga Tarzariray, ang Amasonang Kikay.
Apan prangka ug walay pag-lipod lipod nga gi-asoy sa manager sa Sexbomb nga si Joy Cancio ug producer sa Focus Entertainment nga wala nalang niya gipadayon ang maong plano sa dihang iyang nahibaw-an nga si Lian Paz sa EB Babe ang girlfriend niini. Matud pa ni Joy nga wala siya’y lain motibo niini kong dili ang mamahimong hapsay ug walay problema ang dagan sa ilang shooting.
Dungag usab niya nga si Lhar Santiago sa Unang Hirit ang nag-suggest kaniya nga si John Lopez, ang castaway sa Survivor Philippines nalang ang ilang kuhaon sanglit bagay niini ang role isip model nga mahimamat ni Riray (Rochelle).
Magsugod na karong Lunes, January 19, ang Tarzariray, Amasonang Kikay human ang Eat Bulaga.