Ang kontrobersiyal na dating chairman ng isang ahensiya ng pamahalaan na abala sa tuwing may eleksiyon daw ang tinutukoy na maimpluwesiyang personalidad na naging karelasyon ng isang dating kontrobersiyal ding aktres na ngayon ay halos mawalan na ng career. Ayon sa source, matagal-tagal ‘ding nalihim ang diumano’y namagitang relasyon sa dalawa na ang nagbuking ay isang super reliable source na kilala ang lalaking iniuugnay sa aktres na ‘yun naman pala’y front lang ang actress.
Marami umanong naibigay na datung ang dating pulitiko sa nasabing aktres pero super discreet ang kanilang naging affair. Matagal-tagal din daw ang nasabing relasyon pero ngayon ay hiwalay na ang dalawa kaya kailangan na namang kumayod ng dating seksing aktres.
* * *
Graded B ng Cinema Evaluation Board ang Love Me Again nina Piolo Pascual at Angel Locsin.
Nauna na itong naipalabas sa Amerika kaya last December pa ito nabigyan ng grade ng CEB. Pero sa January 15 pa lang ito ipapalabas sa Metro Manila theaters.
Anyway, kahit sina Piolo at Angel ang bida sa pelikula, salamat naman at walang love angle sa promo.
Walang pilitan factor na umamin sa pagitan ng dalawa. Si Angel maraming kuwento tungkol sa boyfriend niyang si Luis Manzano at si Piolo naman, open sa pagsasabing naghahanap pa rin siya ng makaka-partner sa buhay.
Si Rory Quintos ang direktor nila na umaming katakut-takot na hirap ang dinanas nila bago natapos ang pelikula.