Ang episode na Of Vows, Views, and Victories ang panimulang handog ng The Ricky Lo Exclusives ngayong Martes (January 6) sa QTV 11, 8:30 p.m. Ipapakita dito ang koleksiyon ng mga naunang kwento ng pagpapahalaga sa buhay.
Mahirap pantayan ang ipinakitang pagmahahal ni Lorna Tolentino sa buhay ng kanyang kabiyak, ang yumaong si Rudy Fernandez, at ang pag-aaruga ngayon sa mga naiwang mga anak na sina Raphe at Renz.
Magsasalita ang nagkahiwalay na mag-asawang Aiko Melendez at Martin Jickain kung bakit sa tingin nila ay pumalya ang kanilang pagsasama. Sa kabaliktaran nila ay ang showbiz couple na sina Sen. Bong Revilla at Lani Mercado na masasabing most enduring couple na kabi-kabila ang sinasapit na intriga. At sina Kris Aquino at James Yap naman ay pabubulaanan ng harapan ang nabalitang separasyon nila.
Iba naman si Miss Universe Gloria Diaz, itinuturo niya sa anak na si Isabel na ang bawat sandali ng buhay ay dapat namnamin, kahit pa may mapapait na karanasang madaanan.
Abangan ang mga istorya ng buhay sa pag-gabay ng entertainment editor-host na si Ricky Lo.