Ang tuig 2008 dili gyud nato makalimtan tungod kay niining tuiga daghan ang mga problema nga gisagubang sa atong nasud sama sa krisis sa bugas ug grabe kaayo nga pag-usab usab sa presyo sa gasolina gikan sa 1st until the 3rd quarter sa 2008. Pero bisan pa man niini, ang Cebu music scene nagmalampuson gihapon kay ubay ubay gayud ang napahigayon nga mga activities ug concerts sa atong dapit.
Ang mga banda in all types of genre nagpabilin lang gihapon pakig- rakrakan bisan asa dapit nga suok dinhi sa Metro Cebu. Tingali minus man ang mga ma- consider nato nga dagko ug open field concerts pero niadtong 2008, grabe hinoon ang mga nagkalain- laing in door concerts nga gipahigayon sa mga bars.
Sa tuig 2008 usab pipila na pud ka mga FM stations ang mipakita na pud og suporta sa mga lokal nga banda not only Bisrock but sa tanang matang sa mga kanta nga ilang gipatukar on air, sama sa 93.1 Smash FM ang only rock station of Cebu, 92.3 Killer Bee, BT 105.9 Monster Radio ug uban pa.
Karong tuiga usab nahitabo ang maka-hugyaw nga pag-anhi sa Fete Ala Music Festival. All around the world ang Fete Ala Music Festival nga mihimo og mga concert pero sa 2008 mibisita sila sa Pilipinas ug swerte kaayo ta kay gipili nila nga dinhi sa Sugbo ang concert gipahigayon. Kinsa sad ang makalimot sa bag-o lang nahuman nga evolution concert sa banda nga Wolfgang nga nahilum sa sulod sa unom ka tuig pero mibalik ang banda to rock Cebu last Dec. 12?