Wish sa aktor nga si Baron Geisler nga sa Bag-ong Tuig mabiyaan na niya ang iyang bisyo sa inom ug sigarilyo gumikan kay mas pilion pa niya ang pag-focus sa trabaho.
“This New Year, wish ko po na no alcohol, no smoking, pure work, and to get rich! Yun po ang Christmas wish at the same time, goal ko po,” lenggua pa ni Baron ngadto sa PEP.
Samtang malipayon kaayo si Baron karon sa pagkalakip niya sa pelikulang Baler, nga nahimong Best Picture sa MMFF karong tuiga. Ug nanghinaut siya nga sa 2009 mas daghan ang maabot nga mga proyekto sa iyang career.
Relasyong Karylle ug Echo giatngan
One point ra matud pa ang kuwang aron si Jericho Rosales ang modaog isip best actor sa Metro Manila Film Festival Awards Night niadtong Sabado sa gabii sa Sofitel Hotel. Pero okay na kaayo alang kang Echo ang maong kalambuan sanglit dili basta-basta ang nagmadaugon sa maong award nga si Christopher de Leon para sa pelikulang “ Magkaibigan.”
Tsika pa ni Echo sa PangMasa, “God has his reason.”
Samtang daghan na ang nagpaabot unsay mahimong kalambuan sa tsika nga desidido gyud si Echo nga panguyaban si Karylle. Excited ang mga himantayon tungod kay pareho nga gikan sa break-up ang duruha, ug magkauban pa gyud ron sa ASAP ’08 sa ABS-CBN.
Last TV appearance ni Hayden
Sigurado na ang paglugwa ni Dr. Hayden Kho sa Startalk sa January 3, ug matud pa sa beteranang kolumnista sa PangMasa ug mao poy manager sa doctor, mao na ni ang katapusang TV appearance sa nahisgutan.
Nasakitan gyud matud pa si Hayden sa mga komentaryo kalabot sa iyang pagsuway og pakamatay, ingon man sa ilang relasyon mismo ni Dr. Vicki Belo busa mihukom kini nga mobalik na sa pagka private citizen.
“May kahabaan ang pag-uusap namin ni Hayden sa telepono noong Sabado pero hindi ko na idedetalye. Hahayaan ko na siya ang mag-announce sa Sabado ng mga plano niya pagkatapos ng malaking kontrobersya na kanyang napasukan. Tama lang na ayusin ni Hayden ang kanyang mga problema para magkaroon siya ng fresh start sa 2009,” lenggua pa ni Manay Lolit.
Rufa trulili in love ni Jon
May I swear si Rufa Mae Quinto nga tinuod gyud nga in love siya ni Jon Avila, nga maoy iyang escort sa red carpet sa MMFF awards night. Dili gyud niya pa gimik ang maayo nilang relasyon karon ni Jon nga nagsugod samtang ilang gihimo ang pelikulang Singles nga mulugwa na karong Enero.
“Magkakaroon na si Jon ng free publicity dahil sa pagkaka-link niya kay Rufa Mae. Think Erik Santos, think Bobby Lopez...think... O di ba, gaya-gaya ako sa “ think effect “ ni Ricky Lo?,” komentaryo ni Manay Lolit.
Valerie dili na magdala og sud-an
Dili na gyud matud pa magdala og sud-an nga bangus sa set sa Wowowee si Valerie aron malikayan nga ma-intriga nga duna sila’y relasyon ni Willie Revillame. Suma pa niya igo lamang siyang nagmanggihatagon apan nahimoan na nuon og intriga. Gawas pa, maikogsiya sa girlfriend ni Willie tungod sa tsismis nga naglambigit nilang duha. (Sanden J. Anadia)