Sama sa gilauman, wala molugwa si Katrina halili sa Gabi ng Parangal sa 2008 MMFF kagabii alang sa “One Night Only” ubos sa Octo Arts Films sanglit nag-uban sila nga milarga paingon sa states uban ang iyang singer-boyfriend nga si Kris Lawrence niadtong Disyembre 26 aron didto saulogon ang Bag-ong Tuig uban sa mga ginikanan ni Kris.
Sa maong nasud na usab magsa-ulog si Katrina sa iyang adlaw’ng natawhan sa January 4, ug mubalik dinhi sa Pilipinas aron sa taping sa iyang mga serye.
Mahinumduman nga sa wala pa mubiya si Katrina sa nasud, gi-angkon na ni Hayden Kho ang ilang “short-lived affair”, apan alang kang Kris wala silay alang istoryahan sa girlfriend sanglit nahitabo kadto nga wala pa sa kinabuhi ni Katrina si Kris.
Sa laing bahin, mohimo usab og pamahayag si Rufa Mae Quinto unya sa Showbiz Central kabahin sa iyang pagkalambigit sa Vicki Belo-Hayden Kho break-up. Daghan usab nga mga makapahugyaw nga rebelasyon ang ihulagway unya sa showbiz oriented show nga live nga ipagawas isip New Year’s celebration sa show. (Darling Chyrmyth Wagas)