Piolo mas matagal nag-aral mangabayo
Hindi naging balakid kina Piolo Pascual at Angel Locsin ang pangyayaring bagong tuto lamang sila sa pangangabayo para hindi nila magampanan ng buong husay ang kanilang mga roles sa opening salvo ng Star Cinema sa year 2009, ang Love Me Again, isang love story na kung saan ang dalawang nag-iibigan ay pinaghiwalay ng problema.
Kinunan sa Bukidnon at Australia, kinailangang matuto agad ng horseback riding sina Piolo at Angel na naging sanhi ng ilang ulit nilang pagkahulog sa kabayo. Dahil mas matagal nag-train si Piolo kesa kay Angel, mga isang buwan sa Manila Polo Club bago siya tumulak patungong Australia kung kaya nasugatan pa ito pero hindi niya ininda at sa halip ay hindi siya huminto ng trabaho.
“Part of the hazards of the trade,” katwiran ng aktres.
Mas naunang ipalabas sa abroad ang pelikula, napanood na ito sa LA nung Disyembre 6 at present sina Piolo, Angel, direk Rory Quintos at ang supervising producer ng Star Cinema na si Malou Santos. Mapapanood naman ito rito sa atin sa kalagitnaan ng Enero 2009.
* * *
Isang selebrasyon ang magaganap sa ASAP ’08 ngayong Linggo. Bibigyang pansin ng ASAP ’08 ang ilan sa mga global Pinoys pati ang kanilang mga achievements na nakamit nila sa taong ito.
Magaganap din ang birthday celebration ni Jake Cuenca na naghanda ng isang hot production number para sa mga manonood.
Samantala sa I Luv Betty La Fea, gulung-gulo si Armando (John Lloyd Cruz) sa kanyang lovelife. Hindi niya maayos ang mga bagay sa pagitan nila ni Candy (Maricar Reyes) at Betty (Bea Alonzo), mukhang magkakaro’n ng hiwalayan. Kung kailan pa naman magpa-Pasko at saka mukhang magugulo ang buhay ng major character sa serye. Tutukan, Lunes hanggang Biyernes sa ABS-CBN Primetime Bida.
* * *
Ang platinum-selling diva na si Lani Misalucha ang kakanta ng love theme (Bukas Na Lang Kita Mamahalin) ng inaantabayanang primetime series na Tayong Dalawa na pinagbibidahan nina Kim Chiu, Gerald Anderson at Jake Cuenca.
Si Lani rin ang kumanta ng hit at kontrobersyal na primetime teleserye sa ABS- CBN na Iisa Pa Lamang na pinagbibidahan nina Claudine Barretto, Diether Ocampo at Gabby Concepcion.
“Nung nalaman ko na gagamitin yung song for a primetime teleserye ulit, na-excite ako siyempre!” pahayag ni Lani.
Siguradong mas mabibigyan ng buhay at kulay ng awiting Bukas Na lang Kita Mamahalin ang love angle ng Tayong Dalawa.
Magkakaroon ng major concert si Lani sa 2009 na dapat nating abangan!
Para sa karagdagang updates, mag-log on lang sa www.abs-cbn.cm o sahttp://tayongdalawatv.multiply.com.
* * *
Maligayang Pasko sa inyong lahat! Sana katulad ko, masaya ang kapanganakan ni Hesus sa inyo.
Salamat din kina Mayor Toby Tiangco, Boots Anson Roa, Ogie Alcasid, Butch Raquel ng GMA, Angel Locsin, Piolo Pascual at Dr. Gary Sy para sa kanilang mga regalo at pagbati.
- Latest
