Christmas wish sa mga stars

Marian Rivera — Sana ang mga negatibong bagay tungkol sa kanya ay magawa niyang positibo. Tanging siya lamang ang makagagawa nito.

Dingdong Dantes — After Karylle, kung meron man siyang bagong minamahal sana’y mapatunayan niya ang sincerity niya. Sa mga naging kaganapan sa kanyang lovelife, sana makabawi siya dahil, sa aminin niya’t sa hindi, meron siyang nasaktang mga tao.

Karylle — kung hindi ka man makatagpo agad ng bagong pag-ibig, sana’y maging mabilis ang healing process mo. Enjoy your career sa bago mong bahay. I’m sure aalagaan ka nila ng husto. Ma­suwerte ka pa nga dahil sa bagong trabaho kasama mo ang mom mo at pag-uwi ng bahay ang dad mo naman ang daratnan mo.

Angelika de la Cruz — Sana pagkapanganak mo magtuluy-tuloy pa ang career mo. Meanwhile enjoy-in mo ang nalalapit na pagiging nanay mo.

KC Concepcion — Para sa aking inaanak, sana maging mas matagumpay pa ang second movie mo with Richard Gutierrez. Gusto ko ring hili­ngin na magkaroon ka ng movie with your mom and dad, gusto kong magkakasama kayong tatlo.

Richard Gutierrez — more blessings sa iyo dahil mabait kang anak sa parents mo, at mabait ka ring kapatid.

Hero Angeles – more challenging roles. Okay naman ang tayo mo sa GMA 7, maganda ang role mo sa Luna Mystika at sana maski na sa Kung Mangarap Ka’t Magising. Magtagumpay sana ang Sundo movie n’yo ni Robin Padilla.

Jennylyn Mercado — Sana lumambot ang puso mo kay Patrick Garcia at i-share mo na ang anak mo sa kanya. Ang anak ay anak, kung ipagkakait mong makita siya ng kanyang ama ay baka sisihin ka pa ng bata paglaki niya.

Patrick Garcia — Magpakita ka ng willingness to see your son. Solusyunan mo kung anuman ang dahilan at ipinagkakait sa iyo ni Jennylyn ang anak n’yo. Iparamdam mo ang concern mo sa bata. At huwag mong sayangin ang career mo.

Heart Evangelista — Ipagpatuloy mo ang magandang pag-uugali mo. Konting tutok pa sa career. Meron ka nang napatunayan sa ginawa mong paglipat, ’di tulad ng marami na nawalan ng career nang lumipat ng istasyon.

Sharon Cuneta — Alagaan mo ang katawan mo, iwasan ang sobrang pagkain. Huwag mong kalilimutang isa ka pa ring sikat na public figure, you have to stay fit. Andyan naman si Senator Kiko Pangilinan to inspire you.

Diether Ocampo — Next time siguraduhin mo muna ang sitwasyon bago ka magpasyang umalis. Sana ’di ka nagkamali ng desisyon mo, dahil kapag pumalpak kang muli, malaking kawalan na sa iyo.

JC de Vera — Huwag kang magbabago, laging ang mga paa ay nakaapak sa lupa. Andyan ka na sa pedestal na pinagpaguran mo, huwag mo na itong pabayaan.

Judy Ann Santos at Ryan Agoncillo — Sana makatanggap na ako ng pinakaaasam kong imbitasyon sa darating na taon. Sana rin maging maganda ang mangyari sa Ploning para hindi masayang ang lahat nang pinagpaguran.

Merry Christmas to you all!