Naangkon gyud sa 21-anyos nga si Kseniya Sukhinova sa Russia ang titulo nga Miss World 2008 niadtong Sabado sa Sandton Convention Center, Johannesburg, South Africa. Gikatigi ni Kseniya ang laing 108 ka mga maanyag nga babaye gikan sa nagkalain-laing nasud. Napili nga first runner-up mao si Parvathay Omanakuttan samtang ang second runner mao si Gabrielle Walcott of Trinidad and Tobago. Si Ksenia ang ikaduha nga Russian nga midaog sa Miss World human ni Julia Alexandrovna Kourotchkina niadtong 1992.
Si Kseniya nagikan sa Tyumen region, nga nahimutang sa northwest Siberia sa Russia. Nagtungha siya sa kursong Bachelor of Science degree in Engineer of Administration sa Tyumen University.. Mahiligon ang dalaga sa pagbasa og Russian classic literature , samtang ang paborito niya nga klase sa pagkaon mao ang Japanese ug Italian dishes.
Lubnganan ni FPJ gidumogan sa mga fans
Gidumogan sa mga tawo ang lubnganan ni Fernando Poe Jr. atol sa ika-4th death anniversary niini kagahapon. Usa ka Santos nga misa ang gihimo sa North Cemetery diin pipila sa sikat nga mga personalidad ang nanambong sama nila ni Grace Poe, Makati City Mayor Jejomar Binay ug ang igsoon sa Da King nga si Elizabeth Poe. Kung kanhinumduman mipanaw si Fernando sa edad nga 65 niadtong Disyembre 14, 2004.
Rob Sy andam mosulod sa showbiz
Gipadayag sa Survivor Philippines runner-up Rob Sy nga andam na siya’ng mosulod sa showbiz kung makadawat siya og tanyag. “If given the chance, why not? Hindi naman kasi ako kasing bata o guwapo katulad ni JC. Pero kung bibigyan nila ako ng chance, why not?” lenggua pa sa 30-anyos nga si Rob ngadto sa PEP. Samtang iyang giangkon nga naa na sila sa mutual understanding stage sa kanhi niya kauban sa Survivor Philippines nga si Veronica Domingo. Butang nga iyang gikauyonan ni Veronica mao ang pagka matinud-anon ug sweet ngadto sa isigkatawo niini.
Mark Bautista hapit mag-pasko sa ospital
Usa ka eksena sa Baler nga entry sa Metro Manila Film Festival ang gikatahong hinungdan sa pagkadagma ni Mark Bautista nga nagdagan sila ni Jericho Rosales sa usa ka terrain. Maayo gani kay nakatukod dayon si Mark sa iyang mga kamot butang nga naluwas siya sa bug-at nga disgrasya .Hinuon gamay lang ang naangkon nga garas sa singer-actor.