Wala hatagi ni Roxanne Ginoo og dakong pagtagad ang chika sa dili panag-istorya nila ni Jake Cuenca. Matud sa dalaga nga labing maayo kung padayo’ng ingon niana nalang ang ilang relasyon ug paabuton nalang sa kadaghanan ang panag-uli sa duha. Giangkon usab sa aktres nga grabe siya kong ma-inlove ug andam siyang ihatag ang tanan alang sa iyang hinigugma.
Cristine naglagot kang Baron
Naglagot pag-ayo ang sexy-actress nga si Cristine Reyes sa mga hungihong kabahin sa pagpanugilon ni Baron Giesler nga patay gihapon kaayo siya sa ex-boyfriend nga si Dennis Trillo. Butyag sa aktres nga walay katungod ang aktor sa iyang private life. Dugang ni Cristine nga napungot siya sa aktor dihang nag-shoot sila sa ilang serye nga adunay rape scene sanglit gitinuod kini sa aktor bisan pa og dili kini mao ang ilang nasabutan sa rehearsal.
Gipadangat usab sa aktor ang pahasubo sa nahitabo kanila atol sa shooting apan wala nay plano si Cristine nga makig-higala pa sa aktor. - Darling Chyrmyth C. Wagas