Mitaliwan na kagahapong adlawa ang young actor nga si Marky Cielo sa pangedaron nga 20-anyos

Sa pasiunang taho wala na’y kinabuhi ang aktor samtang siya natulog sa ilang balay sa Antipolo City . Ang iyang inahan nga si Mildred Cielo misulod sa lawak sa aktor kagahapon sa buntag aron siya pukawon kay duna pa kini charity event nga tambungan. Apan wala na kini mobangon. Busa dali kini nga gidala sa Antipolo Doctors Hospital pero pagka-alas diyes sa buntag gideklara kini nga dead on arrival.

Sa pagkakaron gipaabot sa pamilyang Cielo ang mga dugang detalye kung unsa ang hinungdan sa kamatayon sa aktor.

“Ayon sa paunang salaysay ng kanyang ina na si Mildred Cielo, natagpuan niyang nakahandusay ang kanyang anak sa kanilang tahanan sa Antipolo, Rizal, at agad niya itong isinugod sa ospital. Sa ngayon ay hinintay pa nila ang resulta ng imbestigasyon sa sanhi ng pagpanaw ni Marky Cielo bago magbigay ng opisyal na pahayag ang kanyang pamilya,” kabahin sa statement sa GMA-7 sa alas kuwatro kagahapon sa hapon.

Ang haya sa young actor nahimutang sa St. Peter’s Chapel sa Quezon City.

Balik-Paglantaw Kang Marky

Produkto si Marky sa StarStruck Batch 3, diin siya maoy napili nga Ultimate Sole Survivor. Siya maoy una nga Igorot nga miapil sa sikat na kaayo nga reality show. Ka-batch niya sila si Iwa Moto, Jackie Rice, ug Gian Carlo.

Human sa kalamposan niya sa StarStruck, milugwa siya sa nagkadaiyang mga shows sa GMA-7 sama sa Encantadia, Fantastikids, Bakekang, Asian Treasures, Boys Next Door, Kaputol ng Isang Awit, ug Codename: Asero. Nailhan usab siya pag-ayo nga Zaido Green gumikan sa serye niya nga Zaido: Pulis Pangkalawakan.

Mainstay usab siya sa nag-una nga musical-variety show nga SOP ug sa primetime series nga La Lola.

Gawas sa acting,   maayo usab si Marky sa pagsayaw , midako siya sa Butuan City ug ang iyang pamilya mibalhin sa Mountain Province.

Mahiligon si Marky sa pagduwa og SF o Special Forces , usa ka war-type online game. Gani niadtong Disyembre 6 ang kataposan niya nga pagduwa sa maong online game sa usa ka internet café sa Tomas Morato.

Richard malipayon alang sa iyang ex- girlfriend

“I’m very happy for Dawn,” mao kini ang pulong ni Richard Gomez alang sa iyang ex-girlfriend nga si Dawn Zulueta kinsa mabdos karon og lima ka buwan courtesy sa bana niya nga businessman nga si Anton Lagdameo.

“As a matter of fact, ang unang nagbalita sa akin noon ay si Lucy. Narinig daw niya sa friend niya,” dungag ni Richard.

Sa laing bahin gibutyag ni Richard nga si Lucy ang ni-encourage kaniya nga subli silang magbuhat og pelikula ni Dawn. Pero matud ni Richard nga basin og mataud-tauran pa kini ilabi na nga nagsabak karon si Dawn.

Sa laing bahin , lakip si Dawn sa pelikula nga Magkaibigan diin entry kini sa umaabot nga Metro Manila Film Festival . Base kini istorya sa managhigalang Jinggoy Estrada ug Rudy Fernandez. 

Niño naghandomlang gihapon sa iyang anak

Naghandom si Niño Muhlach nga makakita sa iyang anak nga si Alessandro nga anak sa kanhi niya asawa nga si Edith Millare . Taud-taud na siya nga wala makakita sa iyang anak busa grabe kaayo ang iyang gibati nga kamigaw niini ilabi na gyud nga nagkaduol na ang Pasko. Nanghinaot si Niño sa kanhi niya asawa nga dili unta itago ug pakit-on unta siya sa ilang anak. “Sana ipakita mo naman sa akin ang anak ko. Alam ko na napakasakit din sa kanya na lumalaki na siya na hindi niya nakikita ang sarili niyang tatay,” padayag sa aktor .

“Imburnal” wala na usab aprobahi sa MTRCB

Sa ikatulong higayon ang usa sa mga Cinema One Originals nga nag-ulohan og “Imburnal” ang nag-atubang na usab og problema tungod kay wala kini aprobahi sa Movie and Television Review and Classification Board (MTRCB) . Pwes ang producer nga si Ronald Arguelles, Cinema One Channel head, ug direktor Sherad Anthony Sanchez mipadayag nga mopasa sila karong adlawa og bag-ong version niini. Kahinumduman nga midaog ang Imburnal isip best picture sa bag-ohay pa lang nga 2008 Cinema One Originals Digital Film Festival.

Mark ug Jen, mature ang role sa Paano Ba Ang Mangarap

Parehong naghinam-hinam sila si Jennylyn Mercado ug Mark Herras sa ilang umaabot nga drama series sa GMA7 nga Paano Ba Ang Mangarap. “Siyempre iba na. Mas matured na kami. Siyempre, hindi na katulad ng dati na parang tweetums na love team,” matud pa ni Jen ngadto sa PEP. Si Mark nipadayag usab nga wala na’y pa-cute sa maong serye   apan iyang giklaro dili kaayo kini daring. Gibutyag usab ni Mark nga iyang nalantawan si Jen nga mature na apan gwapa lang gihapon kini.