Janina mitingog na!

Human sa pagpakahilom ni Janina San Miguel   sa iyang kaugalingon sa mga isyu nga gibato ngadto kaniya gumikan sa wala niya pagkalakip sa Ms. World 2008 mitingog na gyud kini . Iyang giangkon ngadto sa PEP nga tunga-tunga sa ilang training nakahimo siya og eksena ngadto sa iyang mga kauban sa Araneta gumikan kay dili siya pagawson bisan pa og naglisod na ang iyang apohan nga lalaki. Nihilak siya atubangan sa mga tawo aron lang gyud siya pagawason sa Araneta. Matud ni Janina niadto lang higayona nga nakapabadlong siya sukwahi sa isyu nga gibato kaniya nga matud pa nagpabadlong siya sa iyang mga mentors ug superiors.

“Alam n’yo po ba na kaming mga beauty queen, e, nagta-taxi lang, nag-e-MRT, sumasakay ng jeep, sumasakay sa tricycle? Lahat ng commute ginagawa namin para uma-attend lang kami ng bawat training namin. So, paano nila sasabihin na hindi ako uma-attend ng training?”, lenggua ni Janina ngadto sa PEP.

Samtang kabahin sa iyang training sa BPCI iyang giangkon nga wala niya makompleto ang tanang sesyon sa iyang language training tungod sa conflict sa iyang mga schedules.

Ang kamatayon sa iyang apohan ang rason nga mi-backout siya sa show.

Kung kahinumduman misikat si Janina tungod sa iyang mga sayop nga English nga iyang gi-lenggua sa Q and A portion sa milabay nga Binibing Pilipinas.

Kontento na si Janina sa iyang mga nahimo nga achievements sa kinabuhi wala na niya kinahanglana ang international competition.

Sam mihimakak sa snub issue

Gitin-aw ni Sam Milby ang isyu nga mi-snub siya nila ni Kris Aquino ug Ruffa Gutierrez dihang mi-guest kini sa “The Buzz” dili pa lang dugay . Giangkon ni Sam nga set sa The Buzz kay naay ka-istorya si Kris sa cellphone niini busa wala siya makaduol sa aktres. Hinuon sa kataposan nag-beso sila ni Kris.

“She thought I was going to snub her. Kaya nagulat ako na she thought I was going to snub her,” butyag ni Sam .

Samtang kabahin usab ni Ruffa wala siya mahinumdum nga iyang gi-snub ang beauty queen busa nakuratan siya sa isyu.

Si Sam usa sa mga guest sa awarding ceremony sa Cinema One Originals Digital Film Festival nga gihimo sa Dolphy Theater. 

Marian todo lang gihapon ang pagtambong sa mga commitments

Diriyot diay nga wala makatambong si Marian Rivera sa formal launch nila ni Will Devaughn isip mga bag-ong celebrity endorsers sa Jag jeans sa SM Mall of Asia niadtong Biyernes. Butyag sa manager niini nga si Popoy Caritativo, misiyagit si Marian tungod sa piang niini sa tudlo sa tiil, gipainom niya kini og pain killer ug nakatulog. Apan bisan pa niini milugwa lang gihapon si Marian sa event.  Human sa paniudto midiretso si Marian sa Medical City para i-check ni Dr. Rafael Claudio ang kahimtang sa fractured toe .  Karon ang kataposang shooting niya sa “Nieves” sa “Shake, Rattle & Roll X” ug ugma, December 1, kataposang adlaw sa shooting usab niya sa Desperadas 2. - Sanden J. Anadia