Hala noh? Ugma magsugod na gyud ang buwan sa Disyembre feeling nako Pasko na gyud, manghinaut ko nga karong tuiga akong makompleto ang Nine Mornings kay pila na ka Pasko nga wala nako kini na achieve tungod sa ka busy sa atong trabaho. I hope nga God will give me more strength. Siyempre nagkaduol na pud ang birthday sa among Hugyaw editor Ryan Mark—December 5 to be exact gyud, hehehehe... Busa akoy muona og greet niya og “Happy birthday ! “ I hope more Hugyaw birthdays to come and what ever wishes you want in life will come true…
Sa Istayl Nato karong 10:45 sa buntag ayaw ninyo kalimti kay daghan kaayo mi og giandam para kaninyo, tungod kay nagkaduol na ang Pasko naa tay bag-ong segment nga Istayl Mugna ug usa ka challenge ang akong gibuhat sa pagpamalit sa mga materyales diha sa Freedom, Carbon kay magmugna ta og Christmas tree! Pero si Ate Recca wala pud nagpaulahi kay aduna siyay na-discover nga manghimuay og Christmas tree nga made of tukog. Kini mugna sa usa ka inahan nga puno sa kakugi para masuportahan ang iyang mga anak. Sa buntag manghimo siya sa Christmas tree pag abot sa kagabhion mamaligya siya og balot sa dalan sa Fuente Osmeña. Kinsa kining atong Hugyaw nga inahan? Atangi. Dili kay kana lang mga BisChikadora kay si Bestfriend Abby mitikang sa Lungsod sa Ronda para sa atong Istayl Travels. Didto niya natilawan ang lamian kaayo nga humba.. Ngano kaha? Ug para sa atong Kiddie Istaylista last week na sa atong Magnolia Health Drink Fun Day! Tulo ka barangay ang magtigi na pud. Siksik ang atong Dominggo kay si Chad iyang suwayan og unsaon paghimo og sundang nga diha nato makita sa dalan sa Basak, Pardo as we celebrate Bonifacio Day! Istayl Nato sa dili pa mag SOP ug pagkahuman sa Kay Susan Tayo!
Hangtud karon lab-as pa sa akong hunahuna ang bag-o lang natapos nga Suroy-Suroy Sugbo Southern Heritage Trail. Feeling nako busog lang gihapon ko tungod sa walay hunong nga lafang o kaon matag lungsod nga among bisitahon. Naay mga lungsod nga mokalit lang og bundak ang uwan unya mukalit lang og init. Pero wala kini panumbalinga sa mga nikuyog sa Suroy-Suroy Sugbo labi na ang mga kuyog namong mga balikbayan nga puwerteng lingawa unya mas na appreciate nila kung unsay naa ug unsa ang kanindot sa matag lungsod. Usa lang akong masulti “ Mabuhi ka Sugbuanon!”
Hangtud sa sunod napud Domingo mga BisChikadora daghang salamat sa inyong walay hunong nga pagHugyaw kanamo! Love you all! For your reactions email and reach us sa friendster at yoriestorm@yahoo.com o text me sa 09105944253….
Atangi next week ang atong mga makalingaw nga mga blind item sa inyong mga paboritong mga artista sa kauluhan.