Diether tapos nang Pag-usapan; Relasyon nina Robin at AiAi co-terminus sa kanilang pelikula

SEEN : Ang trailer ng Ang Tanging Ina N’yong Lahat. Base sa trailer, maganda ang role ni DJ Durano. Masuwerte si DJ sa pagkakaroon ng direktor na nagmamalasakit sa kanya. Si Wenn Deramas ang direktor ng pelikula. Ipinaglalaban niya si DJ upang magkaroon ng magandang role. Sa mga naiinggit kay DJ, ang tanging ina n’yong lahat ang kanyang masasabi.

SCENE : Hindi binanggit ni AiAi Delas Alas ang pangalan ni Robin Padilla, ikinuwento naman niya ang detalye ng kanyang sex life. Minahal ni AiAi si Robin ngunit co-terminus ng kanilang ginawang pelikula ang relasyon nila.

SEEN : Hiwalay na sina Paolo Contis at Isabel Oli. Kahanga-hanga si Isabel. Hindi siya nagsasalita o nagbibigay ng hint. Hindi niya tinularan si Paolo na nagpapa-kontrobersiyal sa kanyang mga pahayag sa press. Nagpainterbyu noon si Isabel tungkol sa bahay na ipinagagawa ni Paolo. Bahay na nanatiling press release.

SCENE : May kulang sa Eva Fonda ni Cristine Reyes. Nabantilawan na ang project. Noon pa sana ito ipinalabas ng ABS-CBN.

SEEN : Tahimik na ang isyu ng paglipat ni Diether Ocampo sa GMA 7. Hindi na interesado ang mga tao. Tapos na ang 15-minute fame ni Diether.

SCENE : Wala nang ingay ang game show ni Gretchen Barretto. Dedma ang mga tao sa isang milyong piso na ipinamimigay niya sa kanyang show. Interesado lang ang publiko sa mga eskandalo sa buhay niya. Hindi ‘rater’ si Gretchen. Money isn’t everything.