Ai-ai ug Robin nagkauyab?

Presidenteng-presidente ang dating ni Ai-ai delas Alas paglugwa niya sa presscon kagahapon sa “Tanging Ina N’yong Lahat” nga gipahigayon sa 14th floor sa ELJ Building sa ABS-CBN.

Tsika sa PangMasa purple gown ang gisul-ob sa Comedy Concert Queen with matching purple highlights sa buhok, ug niya pa kini maoy color nila sa movie.

“Di kasi, du’n sa Tanging Ina 1, purple ang favorite color ko?” pasabot pa niya.

Presidente ang role ni Ai-ai sa sequel nga ang Ang Tanging Ina nga blockbuster hit niadtong 2003. Matud sa director nga si Wenn Deramas, gigastuhan gyud sa Star Cinema ang outfit ug hairstyle sa Comedy Concert Queen.

Kung sa part 1 dunay leading man si Ai-ai, karon wala na pero kauban gihapon niya sa movie ang iyang mga anak nga sila si Carlo Aquino, Alwyn Ignacio, Shaina Magdayao, Serena Dalrymple ug Jiro Manio. Of course, kuyog gihapon si Eugene Domingo nga dako og natabang sa kalampusan sa Tanging Ina.

Sila si Heart Evangelista ug Marvin Agustin wala nay apil tungod kay mibalhin naman sila sa GMA-7. Pero matud pa napasabot na ni sa movie nganong wala na sila isip mga anak ni Ai-Ai.

“’Yung pelikula, nakapag-adjust na, dahil five years after na rin naman ito, si Marvin, settled na kasama si Kaye Abad sa ibang bansa, si Heart, sinabi namin dito, lumipat sa GMA. Pero iba ang ibig sabihin ng GMA namin, sa India ito. Tapos, si Nikki Valdez, talaga namang nag-asawa na at nasa Canada ,” pasabot pa ni direk Wenn.

Ang Tanging Ina N’yong Lahat maoy official entry sa Star Cinema sa 2008 Metro Manila Film Festival nga mubukas sa December 25.

Samtang naintriga og maayo ang entertainment press tungod sa pamahayag ni Ai-Ai nga duna siyay nakarelasyon nga action star nga gihandom pa niya hangtod karon. Pero matud pa sa PangMasa bisag giunsa si Ai Ai wala gyud mubutyag kinsay iyang gipasabot.

Nagduda ang entertainment press nga si Robin Padilla ang gipasabot niini pero matud pa sa Comedy Concert Queen, “naku, huwag n’yo nang isali yung tao at hindi naman siya kasama sa movie.”

Basta niya pa wala na sila karon sa action star pero aminado siya nga nahigugma gihapon siya niini. Pero wala na silay communication. Dugang pa niya, dili kaayo sikat ang action star nga iyang gipasabot.