CHILL DOWN

Kung atong ihulagway ang usa ka concert o gig maingon nato nga lingaw samtang nag-sige pa, pero kapoy kung mahuman na. In other words, excited kung padulong pa pero kapoy na kung padulong pauli na. Mao kini di ba ang atong bation kung mutan-aw ta og mga concerts ug gigs. Kita gani gikapoy na nga igo ra tang nagtan-aw, unsa na kaha ang bation sa mga banda human sa ilang pagtukar?

Human sa usa ka gabii nga pasundayag ug pakigrakrakan sa entablado usually ang mga banda dili gyud dayon manguli sa ilang tagsa- tagsa ka panimalay kundi ang uban magpabilin gihapon sa venue aron magpa chill down sa ilang lawas. Kabalo na baya ta nga naay pressure kay dili pud baya lalim mutukar ibabaw sa entablado atubangan sa daghan tawo.

Pero naa puy mga banda nga mubalhin og lugar para didto nalang sila mag chill down ug pipila sa mga lugar dinhi sa ato sa Sugbo mao ang Asia Town IT Park ug One Mango Place kay niining mga dapita naay daghan mga bar para anha sila magpa lamig over bottle of cold beer or glass of ice tea o juice ba kaha.

Aduna say mga banda nga ganahan muadto sa bukid sama sa Busay kay kuno didto hayahay ug bugnaw ang hangin, nya mingaw bagay kaayo gyud magpa chill down. Grabe sad kaayo ron ang pag- uso sa mga convenience store nga 24 hours open ug mga gasoline station pud nga mag-serve og bugnaw nga mainom kay niining mga lugara naa pud mga banda masaag para mag chill down after sa tukar.

Para niadto pud nga banda nga hilig og food trip after tukar, go straight pud ang uban sa Pasil kay anha pud diha nato makit-an ang mga lamiang seafoods— init nga sabaw sa tinola ug linarang. Naa pud sa mga bisan asang eskina dinhi sa Metro Cebu mga tapsilogan, siomain etc depende nalang kung unsa imo ganahan kaonon.

Pagka human og pa chill down so diha pa dayon mag-iyahay panguli sa tagsa- tagsa ka balay ug magkita napud og balik sa sunod nga adlaw nga rakrakan, ingon gyud ana ang cycle sa kinabuhi kung mag banda-banda.