Kever si Lani Mercado sa intriga nga third choice ra siya sa role nga gidala ni anhing Nida Blanca kaniadto sa “Saan Darating Ang Umaga”. Happy ang beteranang kolumnista sa PangMasa nga talent manager pod ni Lani nga si manay Lolit Solis nga si Lani maoy nakaangkon sa nahisgutang role nga inahan ni Yasmien Kurdi. Nasayran nga sila si Lorna Tolentino ug Amy Austria maoy unang gitanyagan sa role. Pero matud ni Manay Lolit managhigala silang tulo si Lorna, Amy ug Lani busa walay isyu nga angay matigayon.
Gaano Kadalas wala mapiog
Mahuman na karong Biyernes ang Gaano Kadalas Ang Minsan busa matud pa nagkataas ang rating sa nahisgutang programa. Suma pa sa beteranang kolumnista sa PangMasa manay Lolit Solis Gaano Kadalas ang labing malungtaron nga sine novela sa GMA 7. Ang Saan Darating Ang Umaga ang mopuli sa GKAM. Suma pa nga dakong hagit alang sa Saan Darating ang nagpaabot tungod kay nagpabilin nga ang Gaano Kadalas ang dunay labing taas nga rating sa afternoon block diin mitala kini og (27%).
Kinsay mokanta sa National Anthem?
Wala pay napili nga singer nga maoy pakantahon sa Philippine National Anthem sa umaabot nga away nila ni Manny Pacquiao ug Oscar dela Hoya. Pero ang sigurado—si kinsa man gani ang mapili tataw nga perteng swerteha tungod kay sigurado nga daghan gyud ang motan-aw sa nahisgutang boxing bout.
Dingdong-Karylle interview karong adlawa
Karong adlawa matod pa mulugwa ang interview ni Philippine Star entertainment editor Ricky Lo nila ni Karylle ug Dingdong Dantes. Pero matod pa sa beteranang kolumnista sa PangMasa manay Lolit Solis wala matuman ang unang plano nga dungan nga magpa-interview ang duha tungod kay wala magtakdo ang ilang schedule. Pwes, gipaabot nga sumsuman gyud sa publiko ang bisan unsa man unya nga rebelasyon nila ni Dingdong ug Karylle sa maong interview.
Dingdong dunay duha ka bag-ong commercial
Showing sa November 19 ang One True Love under Regal Films ug GMA Films pero bisan og mahuman na ang promo ug shooting sa maong pelikula busy lang gihapon si Dingdong Dantes tungod kay duha ka commercial ang gitakda niyang himoon. Magpahigayon pod siya og Christmas party para sa press sa dili pa sila motekang ni Marian Rivera sa Los Angeles alang sa Let’s Celebrate show nila sa Shrine Auditorium.
Villar nahimuot sa mga kandidata sa Ms. Earth
Nag-enjoy si Senate President Manny Villar sa tree planting sa Las Pinas City tungod kay kauban nila sa maong aktibidad ang mga kandidata sa Miss Earth 2008. Suma pa nga mibilib ang mga kandidata sa kanindot sa mga proyekto sa Las Pinas sa pag-amoma sa kalikupan. Nasayran nga ang Las Pinas maoy most greenest and cleanest city niadtong 1996 hangtud sa 1998. Ang asawa sa senador nga si Cynthia Villar ang mayor sa maong syudad.
Lenggua pa sa senador: Ikinararangal naming tanggapin ang mga panauhin mula sa iba’t-ibang bansa. Malaki ang tulong ng kanilang presensya sa ating turismo, na naglalayon na mapalaganap ang kaalaman ukol sa ating siyudad. Ito ay pagkakataon din upang maipakita ang ating mga tagumpay sa pagtiyak ng malinis at malusog na kalikasan para sa ating mga kababayan.”