Academy sa ABS-CBN taw-an

Awooooooooo!!!!Kini ang pirming madunggan sa mga salida nga horror ilabi na sa akong paborito kaniadtong bata pa ko, ang Regal Shocker ug Shake, Rattle and Roll. Hahahahhaha!!!! Lingkod gyud dayon atubangan sa TV matag Biyernes para lang gyud mahadlok! Pero dili lang diay kutob sa mga salida ang mga makalilisang ug kulbahinam nga mga panghitabo, ako gyung gisukit- sukit ang akong mga higala sa showbiz kung aduna ba silay kaagi sa mga tawo nga gikan sa laing dimensiyon o gitawag nga dili ingon ato.

Ug mao ni akong nahagdaw gikan sa pipila:

NEDA AVIÑANTE, anchor ShowBiz Patrol / DYAB1512

Sa lugar nga bugnaw, maanindot og layo sa Sugbo naagian sa akong kabonding Neda ang makalilisang na panghitabo. “Sa among MassCom Educational Tour few years ago sa Baguio, nalisang ko oy, kani laging gikan ta sa biyahe, gikapoy ko, so pag-abot namo sa hotel, nakatog dayon ko” Sus, pagmata nako, akong nakit-an ang akoang tanan sanina nga gihapnig daplin sa katre. Nalipay pa ko kay abi nakog gitarong sa akong roommate ang akong sanina pero sa dihang akong gipangutana ang akong roommate, wala daw niya hilabti ang akong mga sanina” say pa ni Neda sa Hugyaw. Sa una diay kuno, adunay babaye didto nga namatay nga kugihan kaayong manghipos sa mga gamit. Yaya for short!  Hala bongga! Naay tighipos teh nga libre! Ka kuyaw!

MARIA DONNA, Cast Member, HongKong Disneyland

Naa mi sa sakyanan padung uli   gikan sa  usa ka show, gitsika ni Maria Donna nga katong napa siya sa Manila para sa usa ka buwan nga gig sa Quezon Province, way sipyat ang pagbisita sa mga espirito sa balay kung diin siya nagpuyo. “Pag-abot pa lang nako, eerie na kaayo ang feeling. Pagsaka nako sa hagdanan, naa koy nakit-an nga bata ug babaye nga naglingkod sa hagdanan. Abi nakog nagpuyo pud sila didto. Wala silay lihok2x. Nagpungko lang. Gi-deadma man ko teh? Pagmata nako, naa sila sa akong kuwarto. Naglingkod japun. Walay tingog2x. Sa laing gabii napud, maka-feel gyud ko nga giuyog-uyog akong katre og usa ka lalaki nga grabe ka kusgan. Nangadyi gyud ko intawn. Nawala ra dayon. Kuyaw oy, pero sus kung di palang tungod sa talent fee nga akong makuha, di ko mag-agwata atong lugara.” Buwa-buwa gyung baba ni Maria Donna sa iyahang naagian. Kung ako pa to, misamot na og katanggkag akong dunggan sa kahadlok, laliman kag usa ka buwan! Paet!

APPLE ABARQUEZ, Pinoy Dream Academy Scholar

Sa dihang mi-text ko ni Apple kung adunay ba siya’y na experience nga makapanglibawot sa balahibo, sa way pagduha-duha, mitubag gyud dayon og, “Yes kuya, kami ni Bea ug ubang scholars sud gyud sa Academy.” Tungod sa kataas sa linya sa banyo para maligo kung buntag, naandan na ni Bea ug ni Apple nga maligo og kadlawon. “Most often, maligo mi between 12am-2am. One time, while Bea was on the other side, and I was in the shower, I heard footsteps. Abi nakog, laing scholars pud. Sus nitoktok mana unya nikalit og dagan. Abi nako si Bea, so nigawas ko sa shower unya ni-lili ko. Nakakita man hinuon kog bata nga nagdagan-dagan sul-ob ang kinaraan nga sanina. Mura siyag nakigduwa. Sila pud ni Van Roxas, nakakita og twins sa may kitchen unya babaye sa may gym. Pero dili man sila manghilabot. Harmless kung baga” say pa ni Apple sa Banat Hugyaw.

SHERYN REGIS, recording artist / actress, I love Betty La Fea

Sa condominium kung diin silingan ni Sheryn si Papa Piolo Pascual, nakakita kini og tawo nga murag naglutaw nga way ulo. Sus kakuyaw! “Naa siya dapit sa may gate namo, nagsul-ob og stripe nga polo. Kuyawan kaayo ko oy! I saw him mga midnight na after I practiced singing. Pagtulog pa gyud nako, ako pa gyud nadamguhan, grrrrrr, nakamata gyud ko sa kahadlok. I prayed for him for 3 days and then I learned nga usa diay to sa mga laborers nga namatay sa building”. Sus kung ako, maghimo ko’g laing gate nga agian oy! Hahhahhaahahah...Mulikay ba?

 Siyempre, magpalupig ba gyud diay ko? Naa pud koy ako oy! Sa akong mansion sa Cansaga Consolacion, alas tres sa kadlawn, sa dihang nag tan-aw ko og Gossip Girl, nakadungog ko og tubig nga gikan sa puso nga nag-agas-agas with matching hunghung pa nga grabe ka hinay. Kani laging bisan talawan ta pero kuryuso ,akong gipahinayan ang TV para akong maklaro akong madungog. Nawala ang mga hunghung pero nagkakusog ang pagbomba sa puso. Tan-aw ko sa relo, alas 3:13. Nisamot akong kahadlok nuon. Wa pa makuntento, akong gipatay akong aircon kay basin pa diay, gikan didto ang saba. Sus misamot man nuon ang kakusog sa pag agas sa tubig! Namugnaw ko nga, di ko kasabot sa akong gibati! Misuway kog tawag sa akong phone ug usa ka higala, wala naman sad diay koy load teh! So bisan sa kakuyaw, nanglibawot na ang tanang balhibo, akong gihanay-hinay og abli akong window og niingon ko “kinsa man ka?” nag-atubang man nuon nako ang mata sa usa ka tiguwang na babaye! Pwerte nakong shagit oy! Pastilan, ang amo man diay tong silingan nga labandera! Mader, nganu man intawn nga nanglaba man kag kadlawn oi! Di ba, pareha rag horror? Kakaloka! Magkatawa lang ko kung mag huna-huna pero atong higayuna, grabe akong kakulba!

Mao nang mga kabonding, mga kahugyawnatics, kung di mo gustong kamoy bisitahon, hala, adto namo sa inyong mahal sa kinabuhi nga mipanaw na. Ayaw sipyata ang pag-ampo matag adlaw para di mo pakit-on og susama sa mga nakit-an sa atong mga stars!!!!Happy haloween!