Karong gabii gipaabot nga hugyaw ang performance sa Top 3 sa kasamtangang Celebrity Duets nga sila si MMDA Chairman Bayani, Joey Marquez ug ang fashion designer nga si JC Buendia gumikan kay ang ilang mga ka-duet ang ilang mga close friends. Si Secretary Joey Lina ang maka-duet ni Bayani diin kantahon nila ang This Is The Moment. Gikatakda na sa November 8 ang grand finals sa maong programa.
Ex-boyfriend ni Rufa Mae walay batasan
Daghan ang nakaingon nga unethical kaayo ang gibuhat sa foreign boyfriend ni Rufa Mae Quinto nga si Bobby Lopez gumikan kay nakigbuwag kini ngadto sa aktres pinaagi sa email. Dili buot ipamugos ni Rufa ang iyang kaugalingon sa kanhi niya boyfriend mas maayo nga mo-focus na lang siya sa duha niya ka pelikula nga gihimo karon, ang Single sa Viva Films ug ang Desperadas 2 nga filmfest entry sa Regal Films karong December. Aduna pu’y bag-ong napalit nga balay karon si Rufa Mae diin puros brand new ang tanang butang sa sulod niini.
Mark gimingaw sa amahan
Paambit pa ni Mark Anthony Fernandez nga karong adlawa, magtapok sila sa iyang tita Lorna Tolentino ug sa iyang mga igsuon nga sila si Raphe ug Renz sa Heritage Park aron sa pagduaw sa iyang mitaliwan na nga amahan nga si Rudy Fernandez.
Suma pa ni Mark nga dili niya malikayan nga makahilak gihapon tungod sa kamingaw niya sa iyang papa pero sayod pod siya nga happy si Daboy karon para niya sanglit maayo man ang dagan sa iyang showbiz career.