Kung meron mang isang contestant sa Celebrity Duets 2 na palaging may positive feedback, wala ng iba kundi si MMDA Chairman Bayani “BF ng Bayan” Fernando.
Siya rin ang hinuhulaan ng marami na magwawagi sa Sabado sa popular na singing contest ng GMA 7. Hindi lang dahil palagi siyang No. 1 sa text votes kundi dahil napatunayan na niya ang sarili niya sa mga huling performances niya na kasama niya sina Willie Nepomuceno at Pilita Corrales.
“Nakakatuwa si BF, ang galing-galing na niya talagang mag-perform. Dati halatang shy siya, but he has grown so much in the show,” obserba ng isang regular na televiewer. “Hindi na biro, puwede na talaga siyang mag-full-time singer kung hindi na siya sasali sa politics in the future.”
Tatlo na lang ang natitira sa Celebrity Duets 2: Sina BF, JC Buendia at Joey Marquez. Ang grand winner ay malalaman na next Saturday.
Samantala, i-enjoy muna natin ang performance ni BF. Kung gustong bumoto, text DUETS (space) BF at ipadala sa 2344 kung Globe subscriber, at 367 kung Smart at Talk & Text subscriber.