Seen : Sina Vic Sotto at Pia Guanio sa Discovery Shores, Boracay. Ilang araw na absent si Pia sa 24 Oras. Nag-celebrate sila ni Vic ng kanyang birthday sa Boracay.
Scene : Ang inaabangan na pagdedemanda ng talent manager na si Becky Aguila laban sa kanyang dating assistant na si Mel Pulmano. Palaban si Mel. Handa na rin siya na makipagbanggaan kay Becky. Maglalabas si Mel ng mga ebidensya na hindi totoo na siya ang nagnakaw sa mga pera ni Jennylyn Mercado, Valerie Concepcion at Joross Gamboa.
Seen : Hindi kasama si Mrs. Rose Flaminiano sa mga pinasalamatan ni Gabby Concepcion sa birthday celebration nito kahapon sa ASAP. Nauwi sa demandahan ang kanilang talent-manager relationship.
Scene : Enjoying the best of both worlds si Carlo J. Caparas. Kliyente niya ang rival networks. Parehong binibili ng ABS-CBN at GMA 7 ang kanyang mga nobela na isinasalin sa TV.
Seen : Ang malakas na suporta kay MMDA Secretary Bayani Fernando sa Celebrity Duets. Sinungaling ang magsasabi na hindi siya ang mananalo sa grand finals ng Celebrity Duets.
Scene : Ang Season 2 ng Kakasa Ka Ba Sa Grade 5 ang papalit sa Celebrity Duets. Si Janno Gibbs pa rin ang host ng Kakasa Ka Ba Sa Grade 5.
Seen : Ang VTR intro ni Ryan Agoncillo sa mga bagong show niya sa ABS CBN, ang Pieta at Fear Factor. Hindi siya nag-guest ng live sa ASAP. Wala naman sigurong kinalaman ang presence ni Piolo Pascual.
Scene : Ang lumang drama ni Alicia Mayer na ayaw niyang pangalanan ang lalake na nakabuntis sa kanya dahil very private person ito. Tigilan ni Alicia ang pagpapainterbyu at pagpapakita sa TV ng kanyang bagong silang na anak kung ayaw niyang maungkat ang pagkatao ng ama ng bata.
Seen : Ang tsismis na magpapahinga si Gary Valenciano pagkatapos ng kanyang 25th anniversary concert sa Araneta Coliseum sa November 14 at November 15. Huwag paniwalaan ang tsismis. Sunud-sunod ang show ni Gary sa Middle East pagkatapos ng kanyang anniversary concert.