Daghan ang naganahan sa tubag ni Ryan Agoncillo sa dihang gipangutana kini kung unsa ang iyang bation kung malambigit siya sa mga problema sa iyang uyab nga si Judy Ann Santos.
“What I feel? Ah, damay-damay lang tayo. At ako, pinili ko itong buhay na ito, pinili kong maging artista, pinili kong maging kasama sa buhay ko si Judy Ann Santos and kung anuman ang kalakip na problema nu’n, I have to take it in stride, no?,” makakilig nga padayag ni Ryan.
Matud pa niya nga kanunay’ng andam ang iyang kaugalingon kung duna siya’y masugatan nga mga problema sanglit kay gisudlan naman lang gyud niya ang showbiz, angay nga magmalig-on siya.
Samtang nakuyawan nga naghinamhinam si Ryan sa pagpasalida na sa iyang labing dako nga proyekto, ang Pieta, nga classic movie ni Ace Vergel. Dako kaayo ni Ryan pa nga hagit ang iyang character isip ang salbahis nga si Rigor sanglit lahi man kaayo ni sa tinuod nga siya.
Ang Pieta maoy muhulip sa Ligaw na Bulaklak sugod karong Lunes, October 27.
Rampa nila ni Claudine ug Angel
Pwes mahitabo na gyud karong gabii ang gikahinaman nga panag-uban og rampa nila ni Angel Locsin ug Claudine Barreto sa 10th anniversary fashion event sa Folded & Hung.
Of course morampa pod ang ubang endorsers sa F&H sama nila ni Maja Salvador ug Joem Bascon.
Pero mas daghan ang naghinamhinam nga makita sila si Angel ug Claudine nga magkuyog sanglit nagbangi man sila kaniadto. Apan wala magdugay nahilot ang ilang away, gani gipadad-an pa og libro si Angel ni Claudine.
Pwes, ang ilang pagrampa maoy labing unang higayon nga makit-an silang magkuyog human sa ilang kontrobersyal nga away nga nagsugod lang sa hatod-hatod og istorya.
Mylene balik ABS-CBN
Samtang wala pa modako pag-ayo ang tiyan, nagpabilin normal ang pagtrabaho karon ni Mylene Dizon. Three months siya nga pregnant sa second baby nila ni Paolo Paraiso.
Nasayran sa PangMasa nga isip follow-up sa Dyesebel, balik ABS-CBN ang beauty ni Mylene isip kabahin sa usa ka teleserye nga langkuban sa mga award-winning actors ug actresses sa indie genre.
Sunod buwan na matod pa mulugwa ang maong serye.
“Hangga’t kaya niya at hindi pa naman halata sa TV screen, work pa rin siya. Kilala mo naman ang babaeng ’yan, basta trabaho, grab talaga. Lalo pa ngayon na magiging dalawa na ang baby niya,” matud pa sa usa ka higala ni Mylene ngadto sa PangMasa.
Kung sila si Mylene ug Paolo ang pabut-on, gusto nila nga baby boy ang ikaduha nila nga anak.
“Abortion” isyu ni Angel nabanhaw
Nabanhaw ang intriga nga nagpa-abort si Angel Locsin. Pero ang gikatahong boyfriend niini nga si Luis Manzano mibasura niini ug dili gyud mutuo.
“You know, it’s very very easy to come up with things like that. Napakadaling sabihin na may nagsabi ng ganito, ganyan until you come up with something solid. Siguro ‘yun ang importante in anything and in any issue. Napakadaling sabihin kasi na may umabot sa aking issue, may ganyan, ganyan. Napakadali naman talaga. But if it’s something na ganito katindi, dapat talaga may proof ka,” nagkanayon si Luis ngadto sa PangMasa.
Sa pagkakaron matud ni Luis nga okay ra si Angel, busy lang kini sa shooting sa movie nila ni Piolo Pascual.