"Token" rason nganong gipalagpot si Ogie

Nauwaw si Ogie Diaz sa migawas nga tsismis nga si Megastar Sharon Cuneta maoy nagpatangtang niya gikan sa Umagang Kay Ganda, tungod matod pa sa pagbalita niya sa estado sa relasyon sa nahisgutang multi-media star ug sa bana niini nga senador. Matud ni Ogie nga “Non-Renewal of Services’ ang rason nganong nawala siya sa UKG, tungod matod pa sa paglapas niya sa Code of Ethics sa News and Current Affairs Department sa network. Kini may labot sa iyang pagtambong og press con diin duna siyay madawat nga freebies o token, gawas pa sa pagkaon. Suma pa nga bisan og ang tabloid kung diin duna siyay column maoy iyang gi-represent apektado gihapon ang imahe sa UKG.

Game show ni Gretchen ilusad

Usa ka kasaligan nga tinubdan ang mibalita nga gipaabot nga ilusad karong November ang bag-ong game show sa TV5 diin si Gretchen Barreto maoy host niini. Ulohan matod pa kini og U And Me Against The World, nga gihulagway nga usa ka “fab game show with fab prizes.” Nagpasabot lamang matod pa kini nga maayo ang relasyon ni La Greta ug ni Tonyboy Conjuangco nga maoy tag-iya sa TV5.

Jackie ug Biboy hagbay ra nagbuwag

Giangkon ni Biboy Ramirez nga tulo na sila ka buwan nga nagbuwag ni Starstruck Female Survivor Jackie Rice. Suma pa niya, usa ka semana human sila miangkon sa tinuod nila nga relasyon nakahukom sila nga putlon na ang ilang relasyon. “ Indifferences” o dili pagkasinabot maoy rason nga gitumbok ni Biboy sa nahisgutang break-up.

Jed nakadawat og standing ovation sa Italy

Gihatagan diay og standing ovation si Jed Madela sa Italy niadtong nag-show sila bag-ohay lang kauban sila si Edu Manzano, Gerald Anderson, Kim Chiu ug Jericho Rosales.

Nasayran sa PangMasa nga ang kantang “Nessun Dorma”, usa ka sikat ug classical tenor aria sa Italy ang gikanta ni Jed nga matud pa piyesa kini nga gikahadlokang kantahon sa mga foreigner nga mag-show sa Italy.

Pero ang tsika wala gyud kadto sa repertoire ni Jed ug igo lamang kining gi-request ni Edu samtang nangaon sila sa usa ka restaurant ug gisuwayan ni Jed. Dihang mibirit na si Jed, anam-anam og duol ang ubang mga customer ug pagkahuman sa kanta namakpak ang mga tawo with matching standing ovation.

Pwes, giingnan ni Edu ang sponsor nila, ang PLDT nga bayran ang rights sa maong kanta aron maapil kini ni Jed sa iyang repertoire sa concert. The rest is history kay nahugyaw ang mga mitan-aw sa maong TFC concert ug mihatag gyud sa nahisgutang world champion og standing ovation...

Gretchen Espina gi-okray ni Mau Marcelo

Gipaabot nga daghan ang mo-react sa mga pamahayag ni Mau Marcelo kinsa nagpa-release na sa Fremantle ug mibalik sa Viva Artist Agency, diin contract star na siya daan sa wala pa siya midaog sa Philippine Idol.

Suma pa niya nga walay nahimo ang Fremantle niya ug nausik siya sa panahon ug talent niya, hinungdan nga bisan og mag-two years pa lang siya karong December, nagpa-release na siya. Three years ang iyang kontrata ug si Sandra Chavez matod pa maoy gitudlo nga manager unta niya.

Samtang gibirahan ni Mau ang GMA-7 ug ang winner niini sa Pinoy Idol nga matod pa niya dili maayo mokanta.

“Unang-una nakita ko, hindi naman magaling ‘yung nanalo. Hindi siya deserving. Actually, na-realize ko, eto na ba ‘yung top 12 ikumpara po sa Philippine Idol. At saka  parang ang bilis nilang natapos, hindi naramdaman. ‘Yung sa amin, kahit channel 5 at least tinangkilik talaga,” nagkanayon si Mau.

Juday dili magmabdos kung dili makasal

Ang adoption papers ni Yohan ang gustong madawat ni Judy Ann Santos nga regalo karong Pasko. Nasayran sa PangMasa nga dugay na kining nag-ong-ong sa korte busa nagpunay siya og ampo alang niini. Kung ma-release na ang dokumento, buot pasabot legal na niyang anak si Yohan diin kung makasal na sila ni Ryan Agoncillo isunod ra pod kini dayon sa apelido sa aktor.

Samtang gipadayag ni Juday ngadto sa PangMasa nga kung maminyo na gani sila ni Ryan andam siya magpaabot kanus-a sila gasahan og anak. Okay ra pod niya kung dili sila makabaton og anak tungod kay bastante na niya nga naa si Yohan.

“May mga nagkakaroon naman ng anak na 40  or 45 kaya bakit naman ako magmamadali? Kung ibibigay talaga ni Lord na magkaroon kami ng anak, I’m sure, ibibigay Niya ‘yun.