Mas ganahan unta si Dennis Trillo nga wholesome ang hisgutan kabahin niya pero napugos siya og tubag sa mga pangutana may labot ni Carlene Aguilar ug sa boyfriend niining si Yo Ocampo.
Tsika sa PangMasa nga no comment na si Dennis labot nila ni Carlene ug Yo tungod kay wala siyay labot sa kinabuhi sa mga nahisgutan ug dili na siya manghilabot. Matud hinuon ni Dennis nga wala siyay pagsupak kun muhagwa si Yo sa iyang anak nga si Calix tungod kay bisan unsa pay buhaton niini, siya gyud ang amahan sa bata.
Dihang gipangutana kun dili ba diay niya suportahan si Carlene pinaagi sa pag-adto sa studio sa Celebrity Duets matag taping sa maong show, tubag ni Dennis nga dili na kinahanglan tungod kay mahimo man nga tabangan niya ang inahan sa iyang anak bisan og dili siya mupakita.