Naku hindi dapat manood ang may sakit sa puso ng pelikula ni Judy Ann Santos na Matakot Ka Sa...Kulam na showing starting today. Sus, grabeng nakakatakot, parang gusto kong lumayas habang pinapanood ang pelikula kahapon sa review ng Cinema Evaluation Board.
In fairness, hindi predictable ang kuwento at hindi laos na kuwento ng pelikula na dinirek ni Jun Lana.
Kilala si Jun bilang writer at nang magkaroon siya ng directorial debut, Gigil, hindi pumatok. Pero in fairness sa Kulam, maayos ang pagkagawa niya.
* * *
Magkahalong kaligayahan at kalungkutan ang nangyari sa pamilya Revilla kahapon. Malungkot sila dahil na-stroke si Sen. Ramon Revilla, Sr.
Pero may kaligayahan din sila dahil kahapon din ay nanganak si Inah. Ceasarian ito sa unang anak nila ni Vince del Rosario. Pinangalanan nilang Alex Daniela na 6.13 lbs. nang ilabas.