SEEN: Mga text messages ng paninira kay Rose Flaminiano na kumakalat mula sa ex-actor na si Robby Tarroza. Mga kasiraan ng manager ni Gabby Concepcion at ng anak nito na si Lizette ang laman ng mga text messages. Sinabi ni Robby na si Gabby ang naging daan para malaman ng buong showbiz na hindi dapat makapasok sa mundo ng showbiz si Rose.
SCENE: Ang nakakabilib na teaser ng Fear Factor: South America. Maganda ang execution sa teaser ng reality show ni Ryan Agoncillo. Malaki ang laban ng Fear Factor: South America sa Survivor Philippines ni Paolo Bediones. Tuloy ang network war ng ABS-CBN at GMA 7.
SEEN: Ang motorcade ni Richard Gutierrez sa paligid ng Greenhills Shopping Center noong Linggo. Ginulat ni Richard ang mga shoppers na nabigla at napatili nang makita siya.
SCENE: Si Laarni Lozada ang grand winner ng Second Season ng Pinoy Dream Academy. Umiyak at napaupo sa stage si Laarni dahil sa kanyang tagumpay. Instant millionaire si Laarni.
SEEN: Ang interbyu sa direktor na si Cathy Garcia-Molina. Inulit ni Cathy ang kanyang sinabi na hindi pa siya handa na makatrabaho si Richard Gomez. Gusto ba naman ni Richard na makasama uli sa trabaho si Cathy?
SCENE: Si Richard Gomez ang host ng Family Feud. Ang Family Feud ang ipapalit sa GoBingo ni Arnell Ignacio. Si Ogie Alcasid ang dating host ng Family Feud noong napapanood pa ito sa ABC 5.
SEEN: Naitsapwera si Wendell Ramos sa opening number ng SOP noong Linggo. Si Maxene Magalona ang ka-duet ni Wendell sa GMA 7 loveteams’ production number. Hindi sinipot ni Maxene ang SOP. Nasayang ang pagpunta ni Wendell sa show. Dapat mag-apologize si Maxene kay Wendell.
SCENE: Ang bulk emails mula sa mga fans nina Sam Milby at Anne Curtis na umaapela na bigyan sila ng pelikula sa Star Cinema. Nakakairita ang mga emails na obvious na iisang tao lang ang gumagawa. Gumagawa ng paraan ang mga fans. Nararamdaman nila na may sawa factor na si Sam.