Angelica Jones nagkamang sa kalisod

Naglisod pa gihapon si Angelica Jones hangtud karon human sa sunod-sunod nga demalas nga mihampak kaniya niadtong Marso. “Kung makikita n’yo ang bahay ko ngayon, wala pang gaanong laman pero okay lang. Makakapundar din ulit ako. Ang importante, nandito pa rin ako, buhay na buhay,” nagkanayon ang aktres ngadto sa PangMasa. Aminado siya nga daghan ang mga pagsuway nga nahitabo sa iyang kaugalingon ug kini nakapalig-on niya og maayo. “Marami akong natutunan sa mga krisis na dumating sa akin. Unang-una, natuto akong maging kontento kung anuman ang meron at huwag nang maghanap. Ganu’n na lang ang panuntunan ko ngayon,” dugang pa sa dalaga. Pwes duna’y usa ka balikbayan ang naluoy sa kahimtang ni Angelica busa   mi-produce kini og fund-raising show alang sa aktres nga mahitabo na karong September 18 sa Metro Bar, West Ave, Quezon City. Nagpasalamat si Angelica sa producer nga si Mr. Bien Sanchez sa BLJ Entertertainment tungod sa tabang niini. Beyond Tragedy ang ulohan sa show , special guest ni Angelica si Gabby Concepcion nga matud pa misugot nga mo-guest bisan wala’y TF (talent fee) isip tabang niini sa aktres.

Dingdong di na pod ka bakasyon

Murag dili na pud madayon ang dugay na kaayo nga plano ni Dingdong Dantes nga kung mahuman na ang iyang Dyesebel ibakasyon niya ang iyang pamilya gumikan kay human sa last taping day sa Dyesebel sa katapusang bahin karong buwana, magsugod na si Dingdong sa pag-shoot sa One True Love with Iza Calzado ug Marian Rivera ubos sa direksiyon ni Mac Alejandre under GMA Films ug Regal Entertainment. Pero tsika ni Dingdong ngadto sa PangMasa, suwayan niya og hangyo nga puwede ba siya nga mobakasyon bisan duha lang ka semana. Samtang giklaro ni Dingdong nga dili tinuod ang mga taho nga naglikay siya sa iyang ex-girlfriend nga si Antonette Taus kinsa mouli dinhi sa Pilipinas aron mo-attend sa  wedding sa higala niini nga si Cheska Garcia sa October. Matud pa niya nga nagpabilin sila nga friend ni Antonette busa wala’y angay nga intrigahon.   Samtang daghan ang angay atngan sa mga televiewers sa Dyesebel tungod kay mas gipanindotan pa ang mga eksena niini tungod kay nagpabilin man kini nga nag-una sa rating.

John Lloyd maoy crush ni Sarah

Nagdumili lang gihapon si Sarah Geronimo pagbutyag kung kinsa ang iyang inspirasyon karon. Atol sa presscon sa album launching sa iyang Just Me under Viva Films permi lang “secret” ang itubag niini kung pangutan-on siya kung kinsa ang iyang mystery man. Gani no comment siya kabahin nila ni Ronnie Liang ug Mark Bautista kinsa gihugon-hugon nga nangulitawo sa singer. Pero si Iya Villania nga nahinabi sa entertainment press mihatag og mga timailhan nga walay laing gipasabot si Sarah sa giingon niining crush nga kauban niya sa ASAP ’08, kinsa usa ka aktor nga ganahan kaayo mosayaw pero dili kaayo makamao mosayaw. Kung tugkaron ang mga pamahayag ni Iya, mosayaw nga si John Lloyd Cruz ang crush sa pop star princess. Samtang busy kaayo karon si Sarah sa pag-promote sa iyang album diin ang carrier single niini mao ang I’ll Be There nga gi-record sa States with Backstreet Boys Howie Dorough.   Si Howie moabot sa nasud sa umaabot September 23 para personal nga i-promote ang album. Samtang duna’y solo concert sa November 8 si Sarah sa Araneta Coliseum nga giulohan og The Next One ubos sa direksyon ni Johnny Manahan ug ang producer niini mao ang Viva Concerts and Events.