Iba kasi ang mahal. Aktor hindi handa sa babaeng nabuntis
Magkikita kami ngayon ni MMDA Chair Bayani Fernando. Marami akong itatanong kay Papa Bayani, lalo na tungkol sa pagiging contestant niya sa Celebrity Duets 2.
Kakaiba si Papa BF dahil confident na confident siya sa pagkanta. Napanood ko ang duet nila ni Janno Gibbs noong Sabado at talagang nakipagsabayan si Chairman huh!
Si Papa BF nga ang hinuhulaan na mananalo sa Celebrity Duets 2 dahil marami ang sumusuporta sa kanya. Isipin n’yo na lang ang resulta ng mga text votes kung bumoboto ang lahat ng residente ng Marikina City. Mahal na mahal ng mga taga-Marikina si Papa BF at ang kanyang misis na si Mayor Maridez Fernandez.
Susubukan ko na harbatan si Papa BF sa aming pagtatagpo. Lalambingin ko siya na bigyan niya ako ng cellphone para maiboto ko siya ’no! Puwede na sa akin ang limang brand new cellphones para maghapon at magdamag ako na magte-text.
Para kay Papa BF, mag-aaral ako na mag-text alang-alang sa kanyang tagumpay sa Celebrity Duets!
* * *
Hindi pa natsutsugi si Carlene Aguilar sa show. Talagang kina-career ni Carlene ang pagkanta at parang nai-imagine ko na ibinoboto niya ang sarili para magtagal pa ang kanyang pananatili sa show.
Desidido si Carlene na umabot sa grand finals ng Celebrity Duets. Ganyan ang ugali ni Carlene, ginagawa niya ang lahat at pinaghihirapan ang isang bagay na kanyang gustung-gusto na makuha.
* * *
Dalawang buwan na lang, magiging tatay na ang aktor na inililihim ang pagbubuntis ng kanyang “girlfriend.”
Magkahalong emosyon ang nararamdaman ng aktor dahil aksidente at hindi planado ang biglang pagbubuntis ng girl.
Excited ang aktor sa pagdating ng baby pero worried siya. Hindi ready ang aktor na pakasalan at pakisamahan ang girl dahil iba ang itinitibok ng kanyang puso. Hindi ko na sasabihin ang tunay na pagkatao ng aktor. Basta, iba ang kanyang minamahal!
* * *
Ikinuwento sa akin ni Rufa Mae Quinto na bibitbitin niya sa red carpet premiere ng ITALY ang kanyang boyfriend na foreigner.
Hong Kong-based ang bagong inspirasyon ni Rufa Mae. Malayo sila sa isa’t isa pero halos linggu-linggo ang pagpunta ni Rufa Mae sa HK para i-meet ang mhin.
Ang tanong, matatagalan ba nila ang long-distance relationship? Busy si Rufa Mae. Hindi lahat ng oras eh libre siya na lumipad sa HK. Imposibleng hindi dumating ang araw na mapagod siya sa madalas na pagbibiyahe?
* * *
Nag-umpisa na noong Biyernes ang taping ng La Lola. Maganda ang role ni Rhian Ramos sa bagong primetime series ng Kapuso network.
Nag-promise si Rhian na gagawin ang lahat para hindi siya mapahiya sa tiwala na ibinigay sa kanya ng GMA 7.
Pinanood na nga ni Rhian ang Argentinian version ng La Lola, itsurang hindi niya naiintindihan ang dialogue ng mga artista. Number one sa South America ang La Lola kaya naintriga si Rhian na panoorin ang original version.
* * *
Watch n’yo mamaya ang pilot episode ng Survivor Philippines ni Paolo Bediones.
Ang sipag-sipag ni Paolo na mag-promote ng kanyang bagong reality TV show. Inikot niya ang lahat ng programa ng GMA 7 para maging aware ang madlang-people na mapapanood na ang Survivor Philippines, pagkatapos ng Ako Si Kim Sam Soon.
- Latest
