JC nadani ni Roxanne

Giangkon sa gwapong young actor nga si JC de Vera nga excited siya nga mapares ang mga gwapang actress sa ABS-CBN. Sa umaabot nga paglugwa sa mga sinehan sa Shake, Rattle and Roll X nga entry sa Regal Films alang sa umaabot nga Metro Manila Film Festival diin sa unang higayon leading lady JC si Roxanne Guinoo. “I find it interesting talaga ‘pag may shooting,” angkon ni JC. “Parati akong looking forward na makatrabaho parati sila and makita ko sila, kasi siyempre bagong pakikisama, bagong friends.” Giangkon sa actor nga sa unang tan-aw pa niya sa dalaga sa TV screen, nadani na siya sa kagwapa niini. ‘‘Pag tinitingnan ko siya sa TV lagi kong sinasabi, ‘Ang ganda-ganda niya!” Matud ni JC nga nauwaw siya sa nahisgutang young actress atol sa unang adlaw nga gihimo nila ang shooting sa Shake, Rattle and Roll diin aduna na sila’y kissing scene sa unang eksena pa lang sa maong pelikula. Hinuon giklaro ni JC nga pipila ka adlaw sa ilang mga shooting, nagka-close na sila sa dalaga. Samtang, miangkon usab ang nahisgutan nga wala siya magbasol sa iyang pagpa-sexy sa Obra ug dako ang iyang pasalamat nga wala siya pasagdi sa iyang manager nga si Annabelle Rama.

Duha ka projects nagpaabot ni Richard sa GMA-7

Hingpit nga nalipay ang young actor nga si Richard Gutierrez tungod kay sa unang higayon nag-una sa rating ang iyang primetime show niadtong Lunes (September 8), ang Asero diin napilde niya ang Dyesebel nga maoy pirme nga mag-una sa pwesto. “Wow, thank You!” mipahiyom nga namulong ang actor. Hinuon giklaro ni Chard nga wala siya mag-apas sa rating nga ilang maangkon kundi naningkamot sila nga monindot pa ang dagan sa estorya sa Asero. “For me, concentrated talaga ang team ng Asero sa pagpapaganda ng Asero.  Minsan hindi na namin masyadong... Siyempre ‘yong ratings nandiyan, pero we don’t base it there, we base it on quality.” Nasayran usab nga adunay duha ka mga proyekto ang nagpaabot ni Chard sa GMA-7 inig kahuman sa maong serye.  “Grabe, I’m so excited for the next one! There are two projects na pinag-aaralan pa namin and later ko madi-discuss more or less with GMA kung ano ang mangyayari. Pero both projects na naka-line-up sa akin talagang napaka-exciting.” Sa laing bahin, giangkon ni Richard nga proud kaayo siya kang KC pagkahuman sa ilang malampuson nga pelikula, ang For The First Time.