Van Roxas Homecoming

Hello Philippines, Hello dreamers, Hello mga ka-bonding ug hello sa mga hugyawnatics! O di ba feeling Toni G akong beauty? Hay naku naku naku, ugma na mag-tigi ang Top 6 scholars kung kinsa ang mamahimong labing bag-ong Grand Star Dreamer sa Pinoy Dream Academy Season 2 diin ang Grand Dream Night live sa Cuneta Astrodome.

Pero wait a minute mga ka-bonding, sa dili pa nato hisgutan kung kinsa ang mamahimong winner, ako sa ichuva ninyo ang pagtikang sa atong singing heartthrob nga si Van Roxas sa Sugbu adtong miaging Miyerkules, September 10, 2008. Sa airport pa lang, misugwak na ang mga fans ug mga higala ni Van bitbit ang mga klase- klaseng posters, tarpaulins, banners ug uban pa, para ipakita ang suporta sa ilang idolo. Pictorial galore ang mga girlash ug girlalu. Emosyonal pong gigakos si Van sa iyang mga paryente ug sa iyahang iyaan nga nagpadako niya.

Avid fan and solid Kapamilya

Derecho dayon ang PDA team sa ABS-CBN para sa iyang interview sa Morning on the Rush sa 97.1 Lupig Sila kauban si James Spider “Kaka”. Ug wa damha ni Van nga iyang mahimamat si James Spider, gani milenggua pa siya og: “Ikaw diay James Spider bai? Maminaw man ko nimo pirmi sa una sa akong kwarto.” Wala jud tawn nakalimot si Van sa mga trip niya sa una nga magpuyo lang sa iyahang kuwarto ug maminaw og music. O di ba certified kapamilya gyud!?

Gibisita pud ni Van ang dyAB kauban ni Kapamilyang Leo Lastimosa sa programang Arangkada. “Gawas sa mga among mentors na grabe kaayo mutodlo, ang dili malimtan gyud nako sa tanang celebrity guests na akong na meet…daghan kaayo kog nakat-unan ni Mr. Gary V. Grabe kaayo iyang pagtuo sa Ginoo, unya bilib kaayo ko niya as a performer,” paambit pa ni Van. “Dapat kung naa ka sa stage, mag-enjoy gyud ka. Mao na akong ipakita karong Sabado sa Grand Dream Night,” dugang pa niya.

Giduaw pud ni Van ang Cebu Bradford School sa Urgello, iyahang alma mater sukad Grade 3 hangtod high school. Nahunong makadiyot ang klase kay nag-andam ang mga maestra, maestro, ug mga estudyante og mini program apil na ang usa ka AVP (audio visual presentation) sa mga pictures ni Van kaniadto sa iyang pagka-estudyante. Bisan sa una pa gyud diay, gwapo na gyud ning bataa. Pang artista gyud! As usual, never ending ang pictorial ilabi na sa mga kilig kaayo nga mga high school students sa maong tunghaan.

Golden heart

Samtang wala’y pagduha-duha si Van pagpili sa Cebu City Task Force and Street Children of Cebu isip recipient para sa ilang Dream Bigayan project sa PDA. “Sauna man gud, gikan ko sa school, dali kaayo ko malooy sa mga bata nga manlimos sa dalan, dapat unta nag eskwela sila,” pasabot niya. Malipayon kaayo si First Lady Margot Osmeña ug ang 100 ka mga bata nga midawat og bags, school supplies, ug sapatos. Wala mubiya si Van nga wala mudalit og kanta sa mga bata. Gituyok ni Van hapit tibuok Metro Cebu— Sugbo, Lapu-lapu, Mandaue—of course giduaw pud niya ang lugar kung diin siya ni dako— Talisay City! Mihapit si Van sa Talisay City College ug sa Talisay City Hall para magpasalamat sa mga Talisaynon nga hapit kuno napudpod ang mga tudlo sa pag-text para muboto niya ug maapil sa Top 6 sa PDA.

Tay-og ang CDU

Wala magdahom si Van sa paghangop sa iyang mga schoolmates ug classmates sa Cebu Doctors University. “Hala muadto diay ta sa CDU? Mauwaw ko oy, mga sosyal kay ang mga tawo dira” ni nagkanayon si Van wala pa miabot sa iyang eskwelahan kung diin Physical Therapy student siya sulod sa duha ka tuig. Pero hain bay sosyal nga hapit man magkaguliyang ang mga estudyante nga nagpunsisok sa lobby para sa usa ka mini concert, kauban ang former band ni Van nga The Chronicles. “Malipayon kaayo ko sa nahitabong homecoming nako, wala ko magtoo nga ingun ani ang among impact gawas sa Academy. Sa tanang mga Cebuanos nga nisuporta nako, DAGHAN KAAYONG SALAMAT”

O mga kabarangay, kapamilya, kaeskwela, kachuva, kachulbam, mga Sugbuanon, let’s support our bet, by texting PDA (space) VAN ug ipadala   sa 2331 para sa Globe ug Sun Subscribers, 231 para sa Smart and Talk and Text.