“Si Dennis (Trillo), hindi siya nagbabago, simula pa nang una kaming nagkasama sa Aishete Imasu, tahimik na ‘yan, hindi kami nag-uusap, pipigain mo pa siya para makipag-usap sa iyo,” tsika ni Judy Ann Santos sa presscon sa second movie nilang duha sa Regal Films, ang Mag-ingat Ka Sa...Kulam. Pero matud ni Juday nga nahimong bonding moments nila ni Dennis mao ang paghisgot sa ilang mga anak—siya kang Yohan ug si Dennis kang Calix Andrea. Samtang second horror movie pa lamang ni Juday ang MKSK pero mas lisud matud pa ang iyang nasinati karon tungod kay lahi sa Ouija sa GMA Films nga upat sila ka characters, niining latest project niya mag-inusara lang siya. Dihang gipangutana kun mutuo ba siya og barang, yes ang tubag ni Juday, pero midugang siya nga dili siya mahadlok tungod kay lig-on iyang pagsalig sa Ginoo. Kining 48th anniversary presentation sa Regal Films, mulugwa na sa mga sinehan karong October 1.
Mark Anthony bag-ong crush ng bayan?
Mihangyo diay ang mga fans ni Mark Anthony Fernandez ngadto sa GMA-7 nga i-feature pod ang ilang idolo sa weekly drama anthology na Obra. Tungod niini, mapasalamaton si Mark sanglit wala siya magdahom nga makabalik pa siya sa leading man status ug gani ginganlan naman siya karon og “crush ng bayan” tungod sa iyang role isip Cyrus sa Ako Si Kim Samsoon. “Hindi ko na talaga inaasahan may ganyan pa akong maririnig. Nakakataba ng puso. Mas nai-inspire ako na husayan ko pa at mapasaya lalo ang mga taong nasa paligid ko,” nagkanayon si Mark ngadto sa PangMasa.
Korina lahi ra kun walay camera
Tsika ni Senator Mar Roxas ngadto sa beteranang kolumnista sa PangMasa Manay Cristy Fermin, lahi ang Korina Sanchez nga makita sa telebisyon ug ang Korina sa personal, ilabi na kung mag-uban silang duha. “Maasikaso si Korina, bibigyan ka niya ng panahon na talagang para sa inyong dalawa lang. Masarap siyang magluto, aasikasuhin ka niya, para kang king kapag siya ang kasama mo,” hulagway pa ni Senator Mar kang Korina. Pero matud pa ni Manay Cristy, hasta ang senador maayo pod moasikaso kang Korina, gani sa usa ka okasyon mao pa kini mitimpla og kape para ni Korina ug nagsilbi ngadto sa broadcast-journalist sa gi-order niini nga sandwich.
Juday gihidlaw na ni Ryan
Sa Friday next week muabot si Ryan Agoncillo gikan sa kapin usa ka buwan nga taping sa “Pinoy Fear Factor: South America”, bag-ong reality show sa aktor/TV host sa ABS-CBN. Pwes, gikomedyahan sa entertainment press si Juday kun walay puas ba nga romansahay ang nagpaabot ni Ryan sa pag-abot niini? “Naku, ano ba kayo, ayaw ni Carol Santos (her mom) ng ganyan,” bawos pod nga komedya ni Juday. Wine gikan sa Argentina ang gipangayo nga sinugatan ni Juday kang Ryan tungod kay niya pa ganahan siya motilaw og klase-klaseng bino gikan sa lain-laing mga nasud.