Ex ni Richard kaibigan ni KC

Nakita namin isang gabi sa isang sosyal na bar sa Makati City ang ex-girlfriend ni Richard Gutierrez na si Georgina Wilson kasama ang kanyang mga kaibigang sina Bubbles Paraiso at twin brother ni Chard na si Raymond Gutierrez. Ang huli naming balita sa magandang modelo ay nakasama siya ng isa pang ex-girlfriend din ng guwapong aktor na bidang babae naman sa pelikulang Baler na si Anne Curtis nang magbakasyon si Anne sa Paris, France kama­kailan. Kasama rin nila sa Paris ang pinsan ni Georgina na si Isabelle Diaz Daza.

Nagulat lang kami nang mapansin namin na medyo tumaba ang equally beautiful na pamangkin ni 1969 Miss Universe Gloria Diaz. Medyo sensitive nga raw ngayon si Georgina kapag nakakarinig siya ng komentong nadagdagan ang kanyang timbang, ayon sa isang malapit niyang kaibigan. Maging ang isang sikat at guwapong young actor na nakakita sa modelo ay tila ’di makapaniwala sa nilaki  ng katawan nito.

Nagsabi kaya ng reaksyon niya sa tambalan ng kanyang ex-boyfriend na si Chard at leading lady nitong si KC Concepcion si Georgina sa kaibigan nito at kapatid ni Chard na si Raymond? Kung hindi kami nagkakamali, kung hindi magkaibigan o magkakilala sina Georgina at KC ay mayroon silang isa o dalawang common friend/s. May plano kayang manood si Georgina ng first movie team up nina Chard at KC na For The First Time (under Star Cinema) to support Chard for old time’s sake?

*  *  *

Kung gugustuhin naman kayang manood ni Bianca Gonzales ng For the First Time ay willing kayang sumama rito ang kanyang ex-boyfriend at napapabalitang current boyfriend niya na ulit na si direk Lino Cayetano na minsan ring napabalitang naging boyfriend ng napakagandang young and new actress na si KC matapos magkahiwalay ng una at ng batang direktor?

Sa nakaraang first anniversary ng Entertainment Live sa Dos two Saturdays ago ay unang beses nagkaharap sina Bianca at KC para sa isang interview  na naging maganda naman ang kinalabasan. (Francis Simeon)