Mark Bautista magbibida sa pelikula ng GMA
Bida na naman si Mark Bautista, isang kilalang Kapamilya, sa isang pelikula na magkatulong na ipoprodyus ng GMA Films at Viva Films.
Kaya hindi magkakaro’n ng problema si Mark with ABS-CBN dahil Viva artist siya.
Makakasama niya sa movie si Robin Padilla.
* * *
Masaya ang Dobol Trobol, Get Redi 2 Rambol nina Vic Sotto at Dolphy. Parang nabuhay muli kay Vic si Panchito, ang paboritong ka-tandem ng hari ng komedya. Patok sa mga manonood ang pagpapatawa nila. Obvious na na-miss ng mga manonood ang klase ng pagpapatawa nila dahil sinuportahan ang pelikulang pinagsamahan ng dalawa. Hindi ako magtataka kung mabilis na masusundan ang Dobol Trobol.
* * *
Like na like ko ang sa palagay ko ay isang napakagandang tribute na ibinigay ng international star na si Lea Salonga sa That’s Entertainment. Kakaunti ang nakakaalam na isa sa 16 na original members ng aking programang panghapon si Lea. Marami kasi ang nanggaling sa That’s ang hindi na ina-acknowledge ang pagsisimula nila sa That’s. Pero si Lea isinulat sa kanyang column sa Philippine Daily Inquirer ang pagiging kasapi niya ng That’s at kung paano siya nagsimula dito. She even acknowledged her co-members.
Nakakatuwa na may magagandang memories sa kanya ang That’s, nakakalaki ng puso na inaamin niyang nanggaling siya rito at marami siyang natutunan. Ipina-laminate ko ang column niya bilang pasasalamat at pag-alala sa magagandang sinabi niya.
Napakabuti niya dahil pinadalhan pa niya ako ng ticket para sa musical niya, ang Cinderella sa CCP. Pero kahit na ’di niya ako binigyan ng tiket, talagang panonoorin ko siya dahil nga ipinagmamalaki ko na alumna siya ng That’s.
* * *
Meron nang bagong Pinoy Idol, kauna-unahan pala. Dahil yung una na isinagawa ng kalabang istasyon ay Philippine Idol.
Pero ito namang si Gretchen, talagang dumaan sa butas ng karayom bago nanalo. Let’s hope, makita niya ang kanyang pedestal via Pinoy Idol.
- Latest
